Малельня Ўсьпеньня Прасьвятой Багародзіцы (Сьвір)

Малельня Ўсьпеньня Прасьвятой Багародзіцы — помнік архітэктуры пачатку XX стагодзьдзя ў Сьвіры. Знаходзіцца на паўночна-ўсходняй ускраіне мястэчка пад адрасам вуліца Набярэжная, 31. Дзее. Твор традыцыйнай беларускай драўлянай архітэктуры.

Помнік сакральнай архітэктуры
Малельня Ўсьпеньня Прасьвятой Багародзіцы
Малельня Ўсьпеньня Прасьвятой Багародзіцы
Краіна	Беларусь
Мястэчка	Сьвір
Каардынаты	54°50′30.16″ пн. ш. 26°24′40.75″ у. д.
Малельня Ўсьпеньня Прасьвятой Багародзіцы на мапе Беларусі Малельня Ўсьпеньня Прасьвятой Багародзіцы

Гісторыя

Малельня, 1934 г.

Драўляную стараверскую малельню ў Сьвіры збудавалі пачатку XX ст.

Архітэктура

Помнік традыцыйнай беларускай драўлянай архітэктуры. Гэта 4-сьценны зруб пад 2-схільным дахам з вальмай над алтарнай сьцяной, завершанай маленькім купалам. Над трыкутным франтонам галоўнага фасада ўзвышаецца высокі васьмярык зь вялікім купалам. Уваход праз дабудаваны каркасны прытвор пад 2-схільным пакрыцьцём. Рроўнічныя фасады праразаюцца вылучанымі на фоне гарызантальнай шалёўкі прастакутнымі аконнымі праёмамі, дэкараванымі ліштвамі і сандрыкамі.

Усярэдзіне малітоўная заля перакрываецца корабавым скляпеньнем. У апсыдзе скульптурная выява «Укрыжаваньне», абапал якой на сьценах месьцяцца абразы^[1].

Крыніцы

1. Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Малельня Ўсьпеньня Прасьвятой Багародзіцы ў Сьвіры, Radzima.org