Мабільны тэлефон

Мабільны тэлефон — мабільнае камунікацыйная прылада, прызначанае пераважна для галасавых зносінаў. Тэхналягічную аснову мабільнай сувязі складае радыёсувязь. У цяперашні час сотавая сувязь самая распаўсюджаная з усіх выглядаў мабільнай сувязі, таму звычайна мабільным тэлефонам завуць сотавы тэлефон, хоць мабільнымі тэлефонамі акрамя сотавых зьяўляюцца таксама спадарожнікавыя тэлефоны, радыётэлефоны і апараты магістральнай сувязі.

Гісторыя мабільнай сувязі

8 красавіка 1973 г. канструктар прадпрыемства «Матарола» (вёска Шомбэрг(en), акруга Кук(en), штат Іліной, ЗША) Мартын Купэр (нар. 1928, Чыкага) ажыцьцявіў першы ў сьвеце званок з мабільніка на вуліцы Нью-Ёрка. Тэлефанаваньне адбылося з далькажыка «Матарола ДынаААП»(en) (анг. Motorola DynaTAC, дзе Total Area Coverage — агульны абсяг пакрыцьця) да адпаведнага распрацоўніка прадпрыемства «Лябараторыі Бэл»(en) (Мюрэй-Гіл(en), акруга Юніён(en), штат Нью-Джэрзі) Джоэла Энгэла(en) (нар. 1936, Нью-Ёрк) і пачалося словамі: «Адгадай, адкуль я тэлефаную? Я тэлефаную табе з сотавага тэлефона». На той час тэлефон важыў 1,15 кг і меў даўжыню каля 30 см і 10 см у шырыню. Сотавы тэлефон сабралі з 2 тыс. дэталяў. Яго зарадка займала 10 гадзінаў. Зарад трымаўся каля 20 хвілінаў. На 1975 г. у сьвеце існавала 5 тыс. карыстальнікаў сотавай сувязі^[1].

• 6 сакавіка 1983 — Кампанія Motorola выпусьціла першы ў сьвеце камэрцыйны партатыўны сотавы тэлефон. Апарат DynaTAC 8000X, на які было выдаткавана больш $100 млн, распрацоўваўся 15 гадоў. Тэлефон важыў 794 грама і меў памеры 33 x 4,4 x 8,9 см. Зарада акумулятараў хапала на 8 гадзінаў працы ў рэжыме чаканьня або на адну гадзіну ў рэжыме гутаркі. У розьніцу тэлефон каштаваў 3995 даляраў ЗША.
• У 1984 годзе карыстачоў мабільнай сувязі было каля 300 тысячаў чалавек, у 2003 ужо больш за 1,2 млрд.

На 2012 г. мабільнымі тэлефонамі карысталіся 3,6 млрд чалавек (51% насельніцтва Зямлі), у тым ліку 2,6 млрд чалавек мелі смартфоны (72% карыстальнікаў мабільнікаў, 37% жыхароў Зямлі)^[1].

Падрабязьней аб датах гл. артыкул Гісторыя сотавага тэлефона.

Гісторыя мабільнай сувязі ў Беларусі

Выгляды мабільных тэлефонаў

• Сотавы тэлефон
• Спадарожнікавы тэлефон
• Апарат транкавай сувязі
• Аўтамабільны радыётэлефон
• Радыётэлефон далёкага дзеяньня
• Радыётэлефон блізкага дзеяньня

Глядзіце таксама

• Неструктураваныя зьвесткі дадатковага абслугоўваньня
• Гайдфон
• Ўокі-токі
• Пэйджар
• Мабільнік (2006) — кніга Стывэна Кінга
• SAR
• Multisync
• Мабільны кантэнт
• Мабільны этыкет
• Радыёвыпраменьваньне

Крыніцы

1. Даты, падзеі, людзі // Зьвязда : газэта. — 8 красавіка 2015. — № 66 (27924). — С. 10. — ISSN 1990-763x.

Вонкавыя спасылкі

• Гласарый. Мабільныя ТэлеСыстэмы (Беларусь). Праверана 24 кастрычніка 2012 г.