Кубак футбольнай лігі Ангельшчыны

Кубак футбольнай лігі (па-ангельску: Football League Cup), больш вядомы як Кубак лігі (па-ангельску: League Cup) — спаборніцтва, якое праводзіцца сярод ангельскіх клюбных камандаў.

Рэглямэнт

Як і Кубак Ангельшчыны, гэты турнір праводзіцца па прынцыпе выбываньня ўдзельнікаў пасьля першай паразы. Але ў адрозьненьне ад Кубка Ангельшчыны, дзе ў розыгрышы 2007/2008 гадоў удзельнічала 731 каманда, лік удзельнікаў Кубка Лігі абмежаваны 92 клюбамі — 20 прадстаўляюць Прэм’ер-Лігу, а яшчэ 72 — тры дывізіёны футбольнай лігі. Яшчэ адным адрозьненьнем паміж гэтымі турнірамі зьяўляецца тое, што ў паўфіналах Кубка Ангельшчыны каманды гуляюць паміж сабой два матчы, а не адзін.

Пераможца Кубка лігі атрымлівае права ўдзельнічаць у розыгрышы Лігі Эўропы, калі ён не дамогся гэтага права іншым шляхам (калі пераможца згуляе ў Лізе чэмпіёнаў, пуцёўка ў Лігу Эўропы пераходзіць камандзе зь ліку тых, хто яшчэ ня ўдзельнічае ні ў адным эўракубкаў, але фінішавала ў Прэм’ер-Лізе вышэй за сваіх канкурэнтаў).

Гісторыя

З 1982 году Кубак лігі мянуецца па назьве фундатара:

• Малочны Кубак (па-ангельску: Milk Cup) — з 1981/1982 па 1985/1986 фундатарам зьяўлялася кампанія-вытворца малочных прадуктаў Milk Marketing Board;
• Кубак выкліку Littlewoods (па-ангельску: Littlewoods Challenge Cup) — з 1986/1987 па 1989/1990 фундатарам была кампанія Littlewoods сэра Джона Мурса, вядомая дзякуючы свайму букмэкерскаму падразьдзяленьню;
• Кубак Rumblebows (па-ангельску: Rumbelows Cup) — з 1990/1991 па 1991/1992 Кубак спансавала кампанія па гандлю электратаварамі Rumblebows;
• Кубак Coca-Cola (па-ангельску: Coca-Cola Cup) — з 1992/1993 па 1997/1998 фундатарам выступала кампанія-вытворца безалькагольных напояў Coca-Cola;
• Кубак Worthington (па-ангельску: Worthington Cup) — з 1998/1999 па 2002/2003 назвай Кубка служыла марка піва, якая належыць кампаніі Coors Brewers;
• Кубак Carling (па-ангельску: Carling Cup) — з 2003/2004 і па 2015/2016 у якасьці назвы выкарыстоўвалася марка піва, якая належыць кампаніі Coors Brewers;
• Кубак EFL з сэзону 2016—2017 гадоў.

Кубак лігі лічыцца не такім прэстыжным, як Кубак Ангельшчыны, які мае значна багацейшую гісторыю, і ў розыгрышы якога прымаюць нават тыя клюбы, якія не ўваходзяць у склад футбольнай лігі. Магчыма, менавіта таму шматлікія клюбы ў цяперашні час выстаўляюць на матчы турніру сур’ёзна саслабленыя склады, улучальных гульцоў, не атрымлівальных гульнявой практыкі, у тым ліку моладзь.

Пераможцы

Паказаныя апошнія перамогі і паразы ў фіналах турніру

	Клюб	Перамог	Апошняя перамога	Фіналіст	Апошняя параза
1	Лівэрпул	8	2012	4	2016
2	Манчэстэр Юнайтэд	5	2017	4	2003
3	Астан Віла	5	1996	3	2010
4	Чэлсі	5	2015	2	2008
5	Манчэстэр Сіці	5	2018	1	1974
6	Тотэнгэм Готспур	4	2008	4	2015
7	Нотынггэм Форэст	4	1990	2	1992
8	Лэстэр Сіці	3	2000	2	1999
9	Арсэнал	2	1993	6	2018
10	Норыдж Сіці	2	1985	2	1975
11	Бірмінггэм Сіці	2	2011	1	2001
12	Ўулвэргэмптан Ўандэрэрз	2	1980	0	—

• «Блэкбэрн Ровэрз», «Ўэст Бромўіч Альбіён», «Кўінз Парк Рэйнджарз», «Лідс Юнайтэд», «Лутан Таўн», «Мідлзбра», «Оксфард Юнайтэд», «Сток Сіці», «Сўіндан Таўн», «Шэфілд Ўэнздэй» і «Сўонсі Сіці» выйгралі турнір па адным разе.

Вонкавыя спасылкі

Кубак футбольнай лігі Ангельшчыны — сховішча мультымэдыйных матэрыялаў

• Афіцыйны сайт Кубка лігі