Гран-пры Сынгапуру

Гран-пры Сынгапуру
	Марына-Бэй
Гісторыя
Праведзеныя гонкі	22
Першая гонка	1966
Апошняя гонка	2023
Лідэр (гоначнік)	Сэбастыян Фэтэль (5)
Лідэр (канструктар)	Фэрары (5)
Траса
Працягласьць кола	4,940 км
Працягласьць гонкі	306,143 км
Колькасьць колаў	62
Поўл-пазыцыя	Карляс Сайнс; Фэрары; 1:30,984;
Подыюм	1. Карляс Сайнс; Фэрары; 1:46:37,418; ; 2. Лэнда Норыс; МакЛарэн-Мэрсэдэс; +0,812; ; 3. Льюіс Гэмілтан; Мэрсэдэс; +1,269; ;
Найхутчэйшае кола	Льюіс Гэмілтан; Мэрсэдэс; 1:35,867;
Вонкавыя спасылкі
	singaporegp.sg (анг.) (кіт.)
	Галерэя здымкаў у Вікісховішчы

Гран-пры́ Сынгапу́ру (па-кітайску: 新加坡大奖赛, па-малайску: Grand Prix Singapura, па-тамільску: சிங்கப்பூர் கிராண்ட் பிரிக்ஸ்) — аўтагоначнае спаборніцтва ў Сынгапуры, якое ладзіцца з 1966 року. Першая начная гонка і першая вулічная траса ў Азіі, створаная для Формулы-1.

Хуткія факты Гісторыя, Праведзеныя гонкі ...

Закрыць

Адна з найбольш складаных трасаў календара чэмпіянату сьвету. У кожнай гонцы аўтамабіль бясьпекі выяжджаў прынамсі адзін раз.

Першыя гонкі ладзіліся на вуліцы Томсана з 1961 року, але тады мелі назву Гран-пры ўсходняга году. Пасьля здабыцьця Сынгапурам незалежнасьці з 1966 гонка перайменаваная ў Гран-пры Сынгапуру. З шэрагу прычынаў спаборніцтва пасьля 1973 року ня ладзілася.

У 2007 Гран-пры Сынгапуру вярнулася ў расклад чэмпіянату сьвету, гэтым разам на мескую трасу Марына-Бэй. Гонка прайшла ў начны час, што стала першай падобнай падзеяй у гісторыі Формулы-1. Першым пераможцам стаў Фэрнанда Алёнса з каманды Рэно, хоць перамога была здабытая несумленна(d): каманда загадала Нэльсану Піке разьбіць уласны балід, каб выклікаць машыну бясьпекі, і Алёнса мог спакойна скончыць гонку.

У 2020—2021 роках гонка ня ладзілася з прычыны пандэміі каранавірусу.

Трасу некалькі разоў зьмянялі, аднак якіх-кольвек вялікіх зьменаў ня ўнесьлі. Гэта пакручастая траса, вельмі павольная, калі не найпавольнейшая з усіх у чэмпіянаце. Мае колькі паваротаў на 90°, але з рознымі спосабамі праезду. Абгоны лягчэй выконваць у першым сэктары, дзе хуткасьць найбольшая. Па большай частцы трасы бар’ераў разьмешчаныя вельмі блізка да краю дарожнага пакрыцьця, таму машыны бясьпекі тут далёка ня рэдкасьць.

Яшчэ больш ускладняе для гоначнікаў праходжаньне трасы высокая тэмпэратура і вільготнасьць паветра. Амаль рэгулярна Гран-пры займае 2 гадзіны (максымальна адведзены час на гонку), а 4 разы гоначнікі нават не пасьпелі праехаць адведзеную колькасьць колаў.

Ружовае тло азначае, што гонка не ўваходзіць у каляндар Чэмпіянату сьвету Формулы-1.

Больш інфармацыі Рок, Гоначнік ...

Рок	Гоначнік	Канструктар	Кляс	Траса	Справаздача
1966	Лі Хань Сэн	Лотас-Форд	Формула Лібрэ	Вуліца Томсана	Справаздача
1967	Родні Сяў	Мэрлін-Форд	Формула Лібрэ		Справаздача
1968	Гары Купэр	Эльфін-Форд	Формула Лібрэ		Справаздача
1969	Грэм Лоўрэнс	МакЛарэн-Форд	Формула Лібрэ		Справаздача
1970	Грэм Лоўрэнс	Фэрары	Формула Лібрэ		Справаздача
1971	Грэм Лоўрэнс	Брэбгэм-Форд	Формула Лібрэ		Справаздача
1972	Макс Ст’юарт	Мілдрэн-Форд	Формула Лібрэ		Справаздача
1973	Вэрн Шупан	Марч-Гарт	Формула Лібрэ		Справаздача
1974 — 2007	Ня ладзілася
2008	Фэрнанда Алёнса	Рэно	Формула-1	Марына-Бэй	Справаздача
2009	Льюіс Гэмілтан	МакЛарэн-Мэрсэдэс	Формула-1		Справаздача
2010	Фэрнанда Алёнса	Фэрары	Формула-1		Справаздача
2011	Сэбастыян Фэтэль	Рэд Бул-Рэно	Формула-1		Справаздача
2012	Сэбастыян Фэтэль	Рэд Бул-Рэно	Формула-1		Справаздача
2013	Сэбастыян Фэтэль	Рэд Бул-Рэно	Формула-1		Справаздача
2014	Льюіс Гэмілтан	Мэрсэдэс	Формула-1		Справаздача
2015	Сэбастыян Фэтэль	Фэрары	Формула-1		Справаздача
2016	Ніка Росбэрг	Мэрсэдэс	Формула-1		Справаздача
2017	Льюіс Гэмілтан	Мэрсэдэс	Формула-1		Справаздача
2018	Льюіс Гэмілтан	Мэрсэдэс	Формула-1		Справаздача
2019	Сэбастыян Фэтэль	Фэрары	Формула-1		Справаздача
2020 - 2021	Ня ладзілася праз пандэмію Ковід-19
2022	Сэрхіё Пэрэс	Рэд Бул-RBPT	Формула-1	Марына-Бэй	Справаздача
2023	Карляс Сайнс	Фэрары	Формула-1	Марына-Бэй	Справаздача
Крыніцы:^[1]^[2]^[3]