Гошчава

Го́шчава^[1] — вёска ў Івацэвіцкім раёне Берасьцейскай вобласьці, за 7 км на захад ад Івацэвічаў. Гошчава ўваходзіць у склад Стайкаўскага сельсавету.

Гошчава
трансьліт. Hoščava
Краіна:	Беларусь
Вобласьць:	Берасьцейская
Раён:	Івацэвіцкі
Сельсавет:	Стайкаўскі
Вышыня:	180 м н. у. м.
Насельніцтва:	710 чал. (2010)
Часавы пас:	UTC+3
Тэлефонны код:	+375 1645
Паштовы індэкс:	225257
Нумарны знак:	1
Геаграфічныя каардынаты:	52°41′24″ пн. ш. 25°11′58″ у. д.
Гошчава на мапе Беларусі ± Гошчава Гошчава
Галерэя здымкаў у Вікісховішчы

Насельніцтва

• 2010 год — 710 чалавек
• 1999 год — 899 чалавек

Інфармацыя для турыстаў

Помнікі архітэктуры

• Царква Ўзвышэньня Сьв. Крыжа. Помнік драўлянага дойлідзтва 1838 году. У 2009 годзе царква была цалкам перабудаваная: у вокны ўставілі шклопакеты, на даху зьявіліся купалы-цыбуліны ў маскоўскім стылі. Больш за тое, адзін купал-цыбуліна ўвогуле паўстаў там, дзе яго не было. Тамбур нарасьцілі з выкарыстаньнем сылікатных блёкаў. А ад порціка з падвойнымі фігурнымі калёнамі не засталося і сьледу. Таксама выкінулі паўцыркульныя вокны з разнымі ліштвамі. Пры гэтым царква занесеная ў Дзяржаўны сьпіс гісторыка-культурных каштоўнасьцяў.^[2]

Страчаная спадчына

• Кляштар дамініканаў

Асобы

• Аляксей Антонавіч Майсейчык (1936—2002) — кандыдат фiлялягiчных навук, чалец зьвязу пісьменьнікаў БССР, выкладчык — прафэсар катэдры беларускай лiтаратуры, працы па гісторыі беларускай літаратуры, аўтар навучальных дапаможнікаў^[3]. Нарадзіўся ў Гошчаве, пахаваны ў Берасьці.
• Мікалай Пятровіч Ярчак — доктар хімічных навук, прафэсар. Як адмыслоўца, ён шмат працаваў па запрашэньнях ВНУ Латвіі, Беларусі, Польшчы, Нарвэгіі. Назву роднай вёскі Мікалай Пятровіч Ярчак ушанаваў у сваіх навуковых адкрыцьцях у вобласьці крэмнійарганічнай хіміі. Новыя хімічныя злучэньні атрымалі назву «гошчава-сіланаты»^[4]. Копіі патэнтаў на гэтыя хімічныя злучэньні ўрачыста перададзены Мікалаем Пятровічам на захоўваньне ў Гошчаўскую сярэднюю школу на дзень яе 150-годзьдзя.