Газа

Га́за — гаручая вуглевадародная вадкасьць з тэмпэратурай кіпеньня ў інтэрвале 150—250 °C, прадукт перагонкі нафты. Сумесь празрыстая, бясколерная або злёгку жоўтая, троху алейная навобмацак.

Бутэлька з газай, афарбаванай у сіні колер.

Газа шырока выкарыстоўваецца ў якасьці паліва для турбавінтавых, турбарэактыўных, рэактыўных рухавікоў і некаторых ракетных рухавікоў у вельмі дапрацаванай форме пад назовам РП-1. Таксама могуць ужывацца як паліва дзеля гатаваньня ежы, асьвятленьня і ацяпленьня. У некаторых частках Азіі газа часам выкарыстоўваецца ў якасьці паліва для невялікіх чоўнавых рухавікоў і нават матацыклаў^[1]. Сусьветнае спажываньне газы на ўсе патрэбы адпавядае прыкладна 5,5 млн барэляў у дзень паводле зьвестак ліпеня 2023 году^[2].

Сусьветная арганізацыя здароўя лічыць газу брудным палівам і рэкамендуе ўрадам неадкладна спыніць прапаганду ейнага выкарыстаньня ў хатніх умовах^[3]. Газавы дым зьмяшчае высокі ўзровень шкодных цьвёрдых часьцінак, таму хатняе выкарыстаньне газы павязанае з больш высокай рызыкай захворваньня на рак, рэсьпіраторныя інфэкцыі, дыхавіцу, сухоты, катаракту і несьпрыяльных зыходаў цяжарнасьці.

Крыніцы

1. «Kerosene Outboard Motors». Marine Engine Digest.
2. «Kerosene consumption in the World». Knoema.
3. World Health Organization (2016). «Burning opportunity: clean household energy for health, sustainable development, and wellbeing of women and children». Geneva, Switzerland. — С. X.

Вонкавыя спасылкі

• Газа. Webster Online Dictionary.