Віта́ль Гайду́чык (нарадзіўся 12 ліпеня 1989 году) — беларускі футбаліст, абаронца.
| Віталь Гайдучык | ||
| Пэрсанальная інфармацыя | ||
|---|---|---|
| Нарадзіўся | 12 ліпеня 1989[1][2] (35 гадоў) | |
| Рост | 182 см | |
| Вага | 78 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2007—2012 | Дынама Берасьце | 133 (0) |
| 2013—2017 | БАТЭ | 57 (1) |
| 2017 | → Астэрас Трыпаліс | 5 (0) |
| 2018 | Судува | 22 (0) |
| 2019 | Тарпэда-БелАЗ | 16 (1) |
| 2020 | Рух Берасьце | 21 (0) |
| 2021 | Дынама Берасьце | 14 (0) |
| Зборныя | ||
| 2008—2011 | Беларусь (да 21) | 5 (0) |
| 2011—2012 | Беларусь (да 23)[d] | 4 (0) |
Кар’ера
Клюбная
Выхаванец берасьцейскай СДЮШАР-5. Першым трэнэрам зьяўляецца Аляксандар Рудэнка. У 2007 годзе падпісаў кантракт зь берасьцейскім «Дынама». У сэзоне 2012 году зьяўляўся капітанам клюбу.
5 верасьня 2012 году падпісаў 3-гадовы кантракт з БАТЭ, які ўступіў у сілу з 11 студзеня 2013 году, адразу пасьля заканчэньня тэрміну дзеяньня кантракту футбаліста з клюбам «Берасьце», пад такой назвай на той момант выступаў клюб «Дынама». У сэзоне 2015 году ўжо трывала асеў на лаўцы. Толькі ў кастрычніку, з-за траўм іншых абаронцаў, стаў зьяўляцца ў стартавым складзе, у тым ліку ў двух матчах групавога этапу Лігі чэмпіёнаў супраць «Барсэлёны». У студзені 2016 году падоўжыў кантракт з барысаўчанамі[3]. Пачатак сэзону правёў на лаўцы, толькі ўвосень, у сувязі з траўмамі Каспара Дубры і Неманьі Мілунавіча, выходзіў у стартавым складзе.
У студзені 2017 году быў аддадзены ў паўгадавую арэнду грэцкаму «Астэрасу»[4]. Па сканчэньні арэнды ў траўні 2017 году вярнуўся ў БАТЭ[5]. У лютым 2018 году падпісаў кантракт зь летувіскім клюбам «Судува»[6]. У студзені 2019 году перайшоў у «Тарпэда-БелАЗ»[7].
Пачынаў сэзон трывалым гульцом пачатковага складу, аднак у жніўні страціў месца ў аснове. Пасьля пачаў гуляць за дубль, толькі ў лістападзе зноў стаў зьяўляцца ў асноўнай камандзе. У студзені 2020 года пакінуў жодзінскі клюб[8]. У лютым 2020 году перайшоў у берасьцейскі «Рух». Пачынаў сэзон 2020 году ў стартавым складзе каманды, з жніўня стаў радзей зьяўляцца на полі. У студзені 2021 году паводле пагадненьня бакоў скасаваў кантракт з «Рухам»[9]. У студзені 2021 году трэнаваўся зь берасьцейскім «Дынама», зь якім у лютым падпісаў пагадненьне[10]. Быў трывалым гульцом стартавага складу каманды. У ліпені 2021 году пакінуў клюб[11].
Міжнародная
Віталь ёсьць бронзавым прызэрам моладзевага чэмпіянату Эўропы 2011 году ў Даніі. Згуляў на турніры ў трэцім матчы супраць зборнай Швайцарыі, выйшаўшы на замену на 70-й хвіліне (0:3). Выступаў за алімпійскую зборнай Беларусі ў таварыскіх матчах.
Дасягненьні
- Бронзавы прызэр маладзёвага чэмпіянату Эўропы: 2011
- Чэмпіён Беларусі: 2013
- Уладальнік Супэркубку Беларусі: 2013
Статыстыка
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| БАТЭ | 2015 | Найвышэйшая ліга | 3 | 0 |
| 2016 | Найвышэйшая ліга | 11 | 1 | |
| Астэрас | 2016—2017 | Супэрліга | 5 | 0 |
| БАТЭ | 2017 | Найвышэйшая ліга | 8 | 0 |
Крыніцы
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
