Войскі

Войскі (па-старабеларуску: Войский) — ураднік у Польшчы (з XIII стагодзьдзя) і ВКЛ (з XVI стагодзьдзя). У час войнаў, калі шляхта з паспалітым рушаньнем пакідала маёнткі, наглядаў за парадкам у павеце і апекаваў тых, хто застаўся ў маёнтках. У Польшчы войскія былі гродзкія і земскія, у ВКЛ толькі земскія (адзін на павет), якія падпарадкоўваліся старосьце павятовага гораду. Урад войскага ў ВКЛ быў і дыгнітарскім.

Войскі Грачэха^[1] (ілюстрацыя да паэмы «Пан Тадэвуш»).

Войскімі вялікімі літоўскімі былі:

• Фёдар Богуш (1596)

Урад вакантны (?)

• Габрыэль Кімбар (? — 1744)
• Габрыэль Дамінік Шанкоўскі-Саванеўскі (1.1745 — 1755)
• Адам Мікоша (5.1755 — 1764 — ?)
• Ян Пясэцкі (? — 1767—1783)
• Міхал Залескі (1783 —)