Бірмінггэм

Бі́рмінггэм (па-ангельску: Birmingham; [ˈbɜːmɪŋəm], мясц. вымаўл. [ˈbɝːmɪŋɡəm]) — горад у Ангельшчыне, выдзелены ў асобны раён са статусам «сіці», у цэнтры цырыманіяльнага і мэтрапольнага графства Заходні Мідлэндс.

Бірмінггэм
анг. Birmingham
Муніцыпальны дом Бірмінггэму
Герб Бірмінггэму Сьцяг Бірмінггэму
Першыя згадкі:	7 стагодзьдзе
Горад з:	1889
Краіна:	Вялікабрытанія
Гістарычнае графства:	Ўоркшыр
Цырыманіяльнае графства:	Заходні Мідлэндс
Мэр:	Івон Маскіта[d]
Плошча:	267,8 км²
Вышыня:	140 м н. у. м.
Насельніцтва
колькасьць:	1 074 300 чал. (2011)
шчыльнасьць:	4011,58 чал./км² (2011)
этнічны склад:	66,7% белыя (62,1% брытанцы) 21,0% азіяты 6,7% чорныя 3,2% зьмешаная раса 1,2% кітайцы 1,2% іншыя
Часавы пас:	UTC+0
летні час:	UTC+1
Тэлефонны код:	0121
Паштовы індэкс:	B
Геаграфічныя каардынаты:	52°28′48″ пн. ш. 1°54′9″ з. д.
Бірмінггэм на мапе Вялікабрытаніі Бірмінггэм
Галерэя здымкаў у Вікісховішчы
http://www.birmingham.gov.uk/

Першыя сталыя паселішчы зьявіліся напрыканцы 6 стагодзьдзя — пачатку 7 стагодзьдзя^[1][2]. Бірмінгэм зьяўляецца самым густа населеным брытанскім горадам пасьля Лёндану з насельніцтвам 1 016 800 чалавек (перапіс 2008)^[3]. Горад разьмяшчаецца ў цэнтры заходня-мідландсаўскай канурбацыі — другога па населенасьці гарадзкога раёна Вялікабрытаніі з насельніцтвам 2,284,093 чалавек (перапіс 2001)^[4]. Бірмінггэмскі мэтрапольны абшар, які ўключае ў сябе прымежныя прыгарады, зь якімі горад шчыльна зьнітаваны людзкой ківачнай міграцыяй, зьяўляецца другім па населенасьці ў Вялікабрытаніі з агульным насельніцтвам 3,683,000 чалавек^[5].

Бірмінггэм быў адным з цэнтральных асяродкаў Індустрыяльнай рэвалюцыі, за што пазьней атрымаў мянушку «Майстэрня сьвету» (анг. The workshop of the world) або «Горад тысячы гандлёвых угодаў» (анг. City of a thousand trades)^[6]. Нягледзячы на тое, што індустрыяльная значнасьць гэтага гораду зьнізілася, Бірмінггэм разьвіўся да статусу нацыянальнага камэрцыянага цэнтру, які лічыцца другім па ліку найлепшым месцам для вядзеньня бізнэсу^[7]. Бірмінггэм зьяўляецца цэнтрам дзейнасьці канфэрэнцыяў, розьнічнага гандлю, спартыўных спаборніцтваў у шэрагу са стала разьвітымі сфэрамі высокіх тэхналёгіяў, навуковых дасьледваньняў і прагрэсіўнай галіны эканомікі, якія падтрымліваюцца трыма тамтэйшымі ўнівэрсытэтамі. Таксама Бірмінггэм зьяўялецца чацьвёртым па ліку самым наведвальным замежнымі турыстамі горадам у Вялікабрытаніі^[8] і мае другую па ліку буйнейшую гарадзкую эканоміку^[9].

У 2010 годзе Бірмінггэм атрымаў 55 месца ў ліку гарадоў з найлепшымі ўмовамі жыцьця ў сьвеце паводле кансалтынгавай кампаніі Mercer^[10]. У цяперашні час распрацоўваецца буйны праект «Вялікі горад» (анг. Big City Plan) па пераўладкаваньні цэнтральнай часткі Бірмінггэма з мэтай зрабіць яго 20-м па ліку горадам з найлепшымі ўмовамі жыцьця ў сьвеце^[11]. У гутарковай мове насельнікаў Бірмінггэма называюць «Brummies», тэрмінам утвораным ад слова «Brum» — адной зь мянушак горада. Сама мянушка можа быць утворана ад дыялектнай назвы горада «Brummagem»^[12], якая ў сваю чаргу можа быць утворана ад адной з ранейшых назваў горада накшталт «Bromwicham»^[13]. Існуе своеасаблівы бірмінггэмскі дыялект і акцэнт.

Крыніцы

1. Leather, Peter (2001). A brief history of Birmingham. Studley: Brewin Books. ISBN 1-85858-187-7. p. 5;
2. Gelling, Margaret (1956). «Some notes on the place-names of Birmingham and the surrounding district». Transactions & Proceedings, Birmingham Archaeological Society (72): 14–17.
3. «Local Authority Profile — Birmingham». Nomis — Official Labour Market Statistics. Office for National Statistics. 2009.  (анг.)
4. «Usual resident population: Census 2001, Key Statistics for urban areas» Office for National Statistics.  (анг.)
5. «British urban pattern: population data»(недаступная спасылка) (PDF). ESPON project 1.4.3 Study on Urban Functions. European Union — European Spatial Planning Observation Network. March 2007.  (анг.)
6. «Decline of the city of a thousand trades» // Birmingham Mail, 17 красавіка 2006.  (анг.)
7. Anna Blackaby (6 кастрычніка 2009). «Birmingham, biggest mover in European league table, second to London for UK business» (анг.)
8. «National Statistics Online — International Visits». ONS.  (анг.)
9. UKmediacentre.pwc.com  (анг.)
10. «Quality of Living worldwide city rankings 2010 — Mercer survey». Mercer. 26 траўня 2010.  (анг.)
11. «Big City Plan Website». Birmingham City Council.  (анг.)
12. «Brummagem». Worldwidewords.com. 13 сьнежня 2003.  (анг.)
13. William Hutton (1783). An History of Birmingham.  (анг.)

Вонкавыя спасылкі

• Birmingham City Council (анг.)