Белэнэрга

Дзяржаўнае вытворчае аб’яднаньне «Белэнэрга» — беларускі дзяржаўны энэргетычны канцэрн, які ажыцьцяўляе кіраваньне гаспадарчай дзейнасьцю электраэнэргетычнага комплексу Рэспублікі Беларусь.

Белэнэрга

Тып	урадавы канцэрн
Заснаваная	6 сьнежня 1995 (28 гадоў таму)
Краіна	Беларусь
Разьмяшчэньне	Менск, вул. К. Маркса, д. 14
Ключавыя фігуры	Аляксей Шырма
Галіна	Энэргетыка
Прадукцыя	Цеплавая энэргія, электрычнасьць
Лік супрацоўнікаў	65 000 чал.
Матчына кампанія	Міністэрства энэргетыкі Рэспублікі Беларусь
Даччыныя кампаніі	«Белэнэргазасьцярога», «Электрацэнтрмантаж»
www.energo.by

Створаны ў 1995 годзе. Асноўныя кірункі дзейнасьці:

• кіраваньне Беларускай энэргетычнай сыстэмай;
• вытворчасьць, перадача і разьмеркаваньне электрычнай і цеплавой энэргіі;
• падтрыманьне ў належным стане электрастанцый і электрычных і цеплавых сетак;
• апэратыўна-дыспэтчарскае кіраваньне тэхналягічным працэсам вытворчасьці і паставак электраэнэргіі;
• тэхнічны нагляд за станам электрастанцый і сеткавых аб’ектаў Беларускай энэргасыстэмы;
• арганізацыя прац, забясьпечвальных збалянсаванае разьвіцьцё энэргасыстэмы (у тым ліку прагназаваньне попыту на энэргію, праектаваньне, інвэставаньне, будаўніцтва энэргетычных аб’ектаў^[1]).

Уключае ў сябе абласныя РУП (рэспубліканскія ўнітарныя прадпрыемствы) «Берасьцеэнэрга», «Віцебскэнэрга», «Гомельэнэрга», «Горадняэнэрга», «Менскэнэрга», «Магілёўэнэрга», а таксама 30 іншых прадпрыемстваў: ААТ «Белэнэргазасьцярога», РУП «Белэнэргааўтаматыка», УА «Менскі дзяржаўны энэргетычны каледж», ААТ «Белэнэргабуд», «Электрацэнтрмантаж» і інш.

Вытворчасьць электраэнэргіі 30,11 млрд кВт•г (1995).

Крыніцы

1. ПІЛЕВІЧ У. Апора для энергетычнага будаўніцтва.(недаступная спасылка)

Вонкавыя спасылкі

• Афіцыйны сайт
• Электратэхнічны форум Беларусі