Андрэй Гасковіч

Андрэй Гасковіч (? — 1491, Вільня) — рэлігійны дзяяч Вялікага Княства Літоўскага, біскуп віленскі (з 1481 году).

Андрэй Гасковіч лац. Andrej Gaskovič / Haskovič
Адукацыя	Ягелонскі ўнівэрсытэт
Дзейнасьць	каталіцкі сьвятар, каталіцкі біскуп
Нарадзіўся	XV стагодзьдзе Вільня
Памёр	1491 Вільня, Вялікае Княства Літоўскае

Жыцьцяпіс

Паходзіў зь Вільні, быў сынам Пятра Гасковіча, імаверна шляхціча. Афіцыйныя лісты паведамляюць пра Андрэя: «Andreas Petri Goschovicz de Vilna (або Vilnensis), natione Lituanus» (Андрэй, сын Пятра, Гасковіч зь Вільні (або віленчук), ліцьвін родам)^[1].

З 1443 году навучаўся ў Кракаўскім унівэрсытэце, з 1464 году належаў да складу віленскае капітулы^[2]. У 1481 годзе быў высьвячаны на біскупа віленскага.

Андрэй Гасковіч, імаверна, быў крэўным віленскіх паноў Гасковічаў. Прыкладам, у дарчай грамаце пана Марціна Мацяёвіча віленскім францысканам 1441 году сьведкамі выступілі паны Пётар і Яцко Гасковічы (domino Petro Gosschowicz cum fratre suo domino Jaczcone)^[3].

Крыніцы

1. Fijałek J. Uchrześcijanienie Litwy przez Polskę // Polska i Litwa w dziejowym stosunku. — Kraków, 1914. S. 152—161.
2. Ochmański J. Biskupstwo Wileńskie w średniowieczu. Ustroj i uposażenie. — Poznań, 1972. S. 34.
3. Kodeks dyplomatyczny katedry i diecezji Wilenskiej. T. 1, z. 1: 1387—1468. — Kraków, 1932. S. 192.

Літаратура

• Пануцэвіч В. Польская мова ў ХІV—ХVІІІ стст. і каталіцкі касьцёл у Вялікім княстве Літоўскім // Наша вера. № 2 (5), 1998.
• Fijałek J. Uchrześcijanienie Litwy przez Polskę // Polska i Litwa w dziejowym stosunku / Wł. Abracham, J. Fijałek, J. Rozwadowski et al. — Kraków, 1914.