Анатоль Комар

Анатоль Комар, Анатоль Ромар (1902, Менск — ?) — беларускі палітык, навуковец, дзяяч беларускай эміграцыі.

Анатоль Комар
Дата нараджэньня	1902
Месца нараджэньня	Менск, Расейская імпэрыя
Дата сьмерці	XX стагодзьдзе
Месца сьмерці	Канада
Занятак	навуковец, палітык
Месца працы	Беларускі політэхнічны інстытут
Сябра ў	Камітэт вызваленьня народаў Расеі

Біяграфія

Да вайны працаваў дацэнтам Менскага політэхнічнага ўнівэрсытэту. Пасьля захопу Менску немцамі, зь ліпеня 1941 году працаваў у гарадзкой адміністрацыі. Пасьля забойства Вацлава Іваноўскага, са сьнежня 1943 году — бурмістар Менску^[1]. Яго сакратарка выратавала Комару жыцьцё — знайшла падкладзеную партызанамі міну^[2].

Удзельнік Другога Ўсебеларускага кангрэсу (1944).

Незадоўга да прыходу Чырвонай Арміі эміграваў у Заходнюю Нямеччыну^[3]. Супрацоўнічаў з рознымі антыкамуністычнымі рухамі — напрыклад, чалец Камітэту вызваленьня народаў Расеі.

На эміграцыі зьмяніў прозьвішча на Ромар^[3].

Памёр і пахаваны ў францускай частцы Kанады^[3].

Крыніцы і заўвагі

1. Лявон Юрэвіч. Мэмуары на эміграцыі: Крыніцазнаўчае дасьледаваньне. Беларуская інтэрнэт-бібліятэка «Камунікат». Праверана 10 траўня 2010 г.
2. Зянон Пазьняк. Менск. Нямецкая акупацыя // Гутаркі з Антонам Шукелойцем. — Варшава: "АРО", 2003. — С. 70. — 1150 ас. — ISBN 9955-9337-8-Х
3. Зянон Пазьняк. Дарога ў чужыну // Гутаркі з Антонам Шукелойцем. — Варшава: "АРО", 2003. — С. 108. — 1150 ас. — ISBN 9955-9337-8-Х

Літаратура

• Язэп Найдзюк, Іван Касяк. Беларусь учора і сяньня. Папулярны нарыс з гісторыі Беларусі / Укладаньне Натальлі Дашкевіч. — Менск: «Навука і тэхніка», 1993. — ISBN 5-343-01458-5
• Зянон Пазьняк Гутаркі з Антонам Шукелойцем. — Варшава: «АРО», 2003. — 144 с. — 1150 ас. — ISBN 9955-9337-8-Х