Алыча

Алыча́ (па-лацінску: Prunus cerasifera) — пладовае дрэва альбо куст з кісла-салодкімі пладамі бурштынава-жоўтага ці цёмна-чырвонага колеру роду сьліва сямейства ружавых.

Алыча
Квітнеючы куст
Клясыфікацыя
Царства	Расьліны
Аддзел	Пакрытанасенныя
Кляса	Двудольныя
Атрад	Ружакветныя
Сямейства	Ружавыя
Падсямейства	Сьлівовыя
Род	Сьліва
Від	Алыча
Бінамінальная намэнклятура
Prunus cerasifera
Алыча на Віківідах  Алыча ў Вікісховішчы ITIS 24772 · NCBI 36595

Батанічнае апісаньне

Плод алычы

Жоўтая алыча - найбольш распаўсюджаны від у Беларусі

Кветкі

Вышыня алычы да 8 м і болей.
Лісьце яйкападобнае або прадаўгавата-эліптычнае.
Кветкі белыя, распускаюцца раней за лісьце.
Плод - невялікая, звычайна жоўтая або ружовая касьцянка.

Хімічны склад

Плады ўтрымліваюць цукры, лімонную і яблычную кіслоты, вітаміны, карацін.

Культывацыя

Сьвятлалюбная, засухаўстойлівая расьліна, непатрабавальная да глебы і вільгаці. На Беларусі інтрадукаваная ў сярэдзіне ХІХ ст. з Паўночнага Каўказа й пашырылася на ўсёй тэрыторыі. Добра прыстасавалася да мясцовых умоў, зімаўстойлівая. Культывуецца ў садох і парках. Ёсьць адмысловая садовая форма алычы з пурпуровым лісьцем, ружовымі кветкамі й цёмна-чырвонымі пладамі.

Выкарыстаньне

Алыча пышна квітнее й пладаносіць. Алыча зьяўляецца прышчэпай пры вырошчваньні саджанцаў сьлівы, апыляльнікам для некаторых сартоў сьлівы.