Алексій I Камнін

Алексій I Камнін (па-грэцку: Ἀλέξιος Α' Κομνηνός; к. 1048 — 15 жніўня 1118) — імпэратар бізантыйскі (1081—1118).

Алексій I Камнін
імпэратар
Выява Алексія з грэцкага манускрыпту
Асабістыя зьвесткі
Нарадзіўся	1048[1][2][3][…], Канстантынопаль, Бізантыйская імпэрыя
Памёр	15 жніўня 1118(1118-08-15)[4], Канстантынопаль, Бізантыйская імпэрыя
Нашчадкі	Ганна Комніна[5][6], Марыя Камніна[d], Ян II Камнін[d], Андронік Камнін[d], Ісаак Камнін[d], Эўдакія Камніна[d], Тэадора Камніна Ангеліна[d] і Барбара Камніна[d]
Дынастыя	Камніны
Сужэнец	Ірына Дукіня[d]
Бацька	Ян Камнін[d]
Маці	Ганна Даласіна[d]

Паходзіў з правінцыйнай ваеннай арыстакратыі, зь яе дапамогаю захапіў уладу. Перасьледваў багамілаў, задушыў шматлікія мяцяжы арыстакратыі, адбіў наступ нарманаў на чале з Робэртам Гўіскарам, удала ваяваў супраць сэльджукаў і печанегаў.

Агульны вайсковы й эканамічны заняпад Бізантыі вымусіў яго зьвярнуцца да папы Урбана II па вайсковую дапамогу Захаду. Гэты заклік наўпрост прывёў да збору Першага крыжовага паходу.

З дапамогай крыжакоў вярнуў Бізантыйскай імпэрыі частку Малой Азіі. У 1108 вымусіў Баэмунда Тарэнцкага, князя Антыёхіі, прызнаць сябе васалам бізантыйскага імпэратара. Алексій I лічыцца заснавальнікам дынастыі Камнінаў, хоць фактычны пачатак дынастыі паклаў яго дзядзька Ісак I.