From Wikipedia, the free encyclopedia
Эсто́нская Вікіпэ́дыя (па-эстонску: Eestikeelne Vikipeedia) — разьдзел Вікіпэдыі на эстонскай мове. Гэта 44-ы паводле велічыні разьдзел Вікіпэдыі ў сьвеце, заснаваны 24 жніўня 2002 году[1]. На сёньняшні дзень зьмяшчае 248 040 артыкулаў[2].
| Эстонская Вікіпэдыя | |
 | |
 | |
| Тып | моўны разьдзел Вікіпэдыі[d] |
|---|---|
| Даступныя мовы | эстонская |
| Уладальнік | Фундацыя «Вікімэдыя» |
| Пачатак працы | 24 жніўня 2002 |
| Камэрцыйны? | не |
| Рэгістрацыя | Маямі |
| Актуальны стан | дзейнічае |
| Ліцэнзія | CC BY-SA 3.0[d] і ЛВД ГНУ |
| et.wikipedia.org | |
Па стане на верасень 2014 року эстонская Вікіпэдыя займае 6-е месца па колькасьці артыкулаў на душу эстанамоўнага насельніцтва сярод Вікіпэдыяў з колькасьцю артыкулаў большай за 100 000, і 19-е месца ў агульным сьпісе[3].
Эстонская Вікіпэдыя стала 41-ым разьдзелам, які пераўзышоў 100 000-ны рубеж (гэта адбылося 25 жніўня 2012 году), і трэцім па гэтым паказьніку сярод уральскіх моваў пасьля фінскае і вугорскае Вікіпэдыяў[2].
Па стане на верасень 2014 колькасьць артыкулаў у эстонскім разьдзеле складае 24% ад артыкулаў усіх разьдзелаў, якія належаць да фіна-пермскіх моваў, што зьяўляецца другім паказьнікам у гэтай групе пасьля фінскага разьдзелу[4].
Па стане на верасень 2014 разьдзел мае 332 актыўныя карыстальнікі і 38 адміністратараў[3]. Адной з ключавых фігураў эстонскай Вікіпэдыі зьяўляецца Андрэс Луўрэ(et), якому ў 2008 року прэзыдэнт Эстоніі Тоомас Хэндрык Ільвэс прысудзіў Дзяржаўную ўзнагароду Валянтэр року(en).
| Артыкулаў | Дата |
|---|---|
| 100 | сьнежань 2002 |
| 500 | верасень 2003 |
| 1000 | кастрычнік 2003 |
| 5000 | ліпень 2004 |
| 10 000 | 15 траўня 2005 |
| 15 000 | 12 лютага 2006 |
| 20 000 | 22 ліпеня 2006 |
| 25 000 | 30 кастрычніка 2006 |
| 30 000 | 1 лютага 2007 |
| 35 000 | 12 траўня 2007 |
| 40 000 | 30 жніўня 2007 |
| 45 000 | 23 студзеня 2008 |
| 50 000 | 4 чэрвеня 2008 |
| 55 000 | 19 кастрычніка 2008 |
| 60 000 | 21 лютага 2009 |
| 65 000 | 15 ліпеня 2009 |
| 70 000 | 15 сьнежня 2009 |
| 75 000 | 18 траўня 2010 |
| 80 000 | 30 лістапада 2010 |
| 85 000 | 1 чэрвеня 2011 |
| 90 000 | 12 лістапада 2011 |
| 95 000 | 30 сакавіка 2012 |
| 100 000 | 25 жніўня 2012 |
| 105 000 | 6 студзеня 2013 |
| 110 000 | 22 красавіка 2013 |
| 115 000 | 7 верасьня 2013 |
| 120 000 | 23 студзеня 2014 |
| 200 000 | 12 жніўня 2019 |
Па стане на верасень 2014 93,6% усіх рэдагаваньняў у разьдзеле робяць карыстальнікі з Эстоніі, 1,4% унёску — зь Фінляндыі. Карыстальнікі іншых краінаў складаюць 0,6% і меней[5].
У эстонскім разьдзеле ладзяцца тэматычныя тыдні на напісаньне ці пашырэньне артыкулаў. Па выніках конкурсу незалежныя экспэрты вызначаюць пераможцаў, якіх узнагароджваюць прызамі. Першы конкурс, які праходзіў з 4 красавіка па 4 траўня 2009 року, тычыўся нарвэскай тэматыкі. Падчас конкурсу было створана 623 артыкулы[6] і яшчэ 768 дапоўненыя[7]. Пераможцы атрымалі ўзнагароды ад амбасады Нарвэгіі.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
