Фрэймворк
тып бібліятэкаў, які дапамагае парадкаваць іншае праграмнае забесьпячэньне / From Wikipedia, the free encyclopedia
Фрэймворк (па-ангельску: framework) у інфармацыйных сыстэмах — структура праграмнай сыстэмы; праграмнае забесьпячэньне, якое палягчае распрацоўку й аб’яднаньне розных кампанэнтаў вялікага праграмнага праекта. У адрозьненьне ад бібліятэк, якія аб’ядноўваюць набор падпраграм блізкай функцыянальнасьці, фрэймворк зьмяшчае ў сабе вялікую колькасьць розных па прызначэньні бібліятэк. Ужываецца таксама слова «каркас», а некаторыя аўтары выкарыстоўваюць яго ў якасьці асноўнага, у тым ліку не грунтуючыся наогул на ангельскамоўным аналягу[1][2]. Можна таксама казаць пра каркасны падыход[3] як пра падыход да пабудовы праграмаў, дзе любая канфігурацыя праграмы будуецца зь дзьвюх частак: першая, сталая, частка — каркас, які ня будзе зьмяняцца ад канфігурацыі да канфігурацыі, і другая, зьменная, частка — зьменныя модулі (альбо пункты пашырэньня).