Улад III Цэпэш
From Wikipedia, the free encyclopedia
From Wikipedia, the free encyclopedia
Улад III Цэпэш (па-румынску: Vlad Ţepeș) — гаспадар Валахіі ў 1448, 1456—1462 і 1476 гадох. Мянушку «Цэпэш» («Коласадзіцель», рум. ţeapă — «кол») атрымаў за жорсткасьць у расправах над ворагамі й падданымі, якіх сажаў на кол. Мянушку «Дракула» (сын дракона) атрымаў па прычыне таго, што ягоны бацька быў чальцом ордэну Дракона.
Улад III Цэпэш | |
![]() | |
гаспадар Валахіі | |
1448 — 1448 | |
Папярэднік | Уладзіслаў II |
Наступнік | Уладзіслаў II |
1456 — 1462 | |
Папярэднік | Уладзіслаў II |
Наступнік | Раду III Фрумас |
1476 — 1476 | |
Папярэднік | Лаёта Бэсараб III Батрын |
Наступнік | Бэсараб IV Цэпэлюш |
Асабістыя зьвесткі | |
Нарадзіўся | 11 лістапада 1431, Сыгішаара, Трансыльванія |
Памёр | 31 сьнежня 1476 (45 гадоў), |
Пахаваны | Снагоўскі манастыр |
Нашчадкі | Міхня, Улад |
Дынастыя | Драгулешці |
Жонкі |
1) ? 2) Ілона Жылегай |
Бацька | Улад II Дракул |
Подпіс |
|
Нарадзіўся ў Сыгішаары, у маленькім мястэчку ў Трансыльваніі, сын валашскага ваяводы Ўлада II па мянушцы Дракул (дракон або д’ябал).
Па бацьку ўнук прадстаўніцы роду Батары. У 12 гадоў разам з малодшым братам быў адпраўлены ў закладнікі й ўтрымліваўся ў Турэччыне на працягу 4 гадоў. Верагодна, менавіта гэты факт сапсаваў псыхіку Ўлада III. У далейшым аб ім адклікаліся як аб вельмі неўраўнаважаным чалавеку са мноствам дзіўных ідэй і звычак. У 17 гадоў ён даведаўся пра забойства баярамі бацькі й старэйшага брата. Туркі вызваляюць яго й саджаюць на сталец, які ён пакідае праз некалькі месяцаў пад напорам Яноша Хуяньдзі. Дракула змушаны прасіць сховішча ў саюзьнікаў у Малдавіі, аднак па заканчэньні чатырох гадоў, падчас малдаўскай смуты, гіне кіраўнік Малдавіі, які прыходзіўся Ўладу дзядзькам. Цэпэш зноў бяжыць, ужо разам з кузэнам Штэфанам чал Марэ — у Вугоршчыну, чатыры гады знаходзіцца ў Трансыльваніі — каля валашскіх меж. У 1456 годзе ён узыходзіць на трон з дапамогай вугорцаў і валаскіх баяраў. Да пачатку кіраваньня пад уладай Цэпэша знаходзілася каля 500 тысяч чалавек. Існуюць дадзеныя, што за шэсьць гадоў свайго кіраваньня (1456—1462) Улад Дракула зьнішчыў да ста тысяч чалавек. Тым ня менш, пры падрабязным аналізе крыніц, гісторыкі сходзяцца ў меркаваньні, што гэтыя дадзеныя не дакладныя.
Вёў барацьбу з баярамі за цэнтралізацыю дзяржаўнай улады. Узброіў вольных сялян і гараджан для барацьбы з унутранай і вонкавай небясьпекай (пагрозай заваёвы земляў Асманскай імпэрыяй). У 1461 годзе адмовіўся плаціць даніну турэцкаму султану. У выніку «Начнога нападу» 17 чэрвеня 1462 году прымусіў адступіць 30-тысячнае турэцкае войска на чале з султанам Мэхмэдам II. У тым жа годзе з прычыны здрады вугорскага манарха Мацяша Корвіна быў змушаны зьбегчы ў Вугоршчыну, дзе быў складзены пад варту па ілжывым абвінавачваньні ў супрацоўніцтве з туркамі і прасядзеў у турме 12 гадоў. Зноў стаўшы гаспадаром у 1476 годзе, быў забіты баярамі. Па іншай вэрсіі XV стагодзьдзя, Улада III у баю прынялі за турка і, атачыўшы, пранізалі коп’ямі, пра што, заўважыўшы памылку, вельмі шкадавалі.
Панаваньне Улада пакінула вялікі адбітак на фальклёрныя традыцыі румынаў і суседніх зь імі народаў. Так, добра вядомы паэма Міхаэля Бэхайма, які жыў пры двары вугорскага караля Матфэя Корвіна, і нямецкія памфлеты, якія распаўсюджваліся пад назовам «Аб адным вялікім ка́це» й розныя румынскія легенды, якія былі запісаны й апрацаваны вядомым казачнікам Петрэ Іспірэску.
У першай чвэрці XX стагодзьдзя, пасьля зьяўленьня раманаў Брэма Стокера «Дзеці начы» й «Дракула», а таксама выхаду клясычнай нямецкай кінастужкі «Насфэрату: Сымфонія вусьцішы» галоўны герой гэтых твораў — «граф Дракула» — стаў самым вядомым літаратурным і кінэматаграфічным вобразам вампіра.
Улад III Цэпэш — сховішча мультымэдыйных матэрыялаў
Папярэднік Уладзіслаў II |
гаспадар Валахіі 1448 |
Наступнік Уладзіслаў II |
Папярэднік Уладзіслаў II |
гаспадар Валахіі 1456—1462 |
Наступнік Раду III Фрумас |
Папярэднік Лаёта Бэсараб III Батрын |
гаспадар Валахіі 1476 |
Наступнік Бэсараб IV Цэпэлюш |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.