Сьвятлодыёдная лямпа
From Wikipedia, the free encyclopedia
Сьвятлодыёдная лямпа — сьвецень на сьвятлодыёдах. Патрабуе электрасхемы для ператварэньня зьменнага току ад электрасеткі ў пастаянны ток нізкай напругі. Звычайна ўлучае ахаладжальнік(en) і астуджальнае рабро(en) для прадухіленьня перагрэву сьвятлодыёдаў. Выпраменьвае белае сьвятло пры дапамозе: 1) зьмешваньня сьвятла ад чырвонага, зялёнага і сіняга сьвятлодыёдаў; або 2) фоталюмінафора. Выкарыстоўваецца для вулічнага, побатавага і прамысловага асьвятленьня. Тэрмін службы побытавага сьвятлодыёднага сьвеценя складае каля 35 тыс. гадзінаў (4 гады). Пры магутнасьці 6 Ват дае аднолькавы сьветлавы паток, што і лямпа напальваньня на 60 Ват (720 люмэнаў)[1]. Мае вузкую накіраванасьць сьвятла, аб’ёмнасьць якога дасягаецца адпаведным выглядам лямпы[2].