![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/78/Sommelier_F.I.S.A.R..jpg/640px-Sommelier_F.I.S.A.R..jpg&w=640&q=50)
Самэлье
асоба, якая каштуе віно / From Wikipedia, the free encyclopedia
Самэлье́ (па-француску: sommelier [sɔməlje]) альбо чашнік — працаўнік рэстарану, адказны за набыцьцё, захоўваньне вінаў і прадстаўленьне іх кліенту.
![Thumb image](http://upload.wikimedia.org/wikipedia/commons/thumb/7/78/Sommelier_F.I.S.A.R..jpg/320px-Sommelier_F.I.S.A.R..jpg)
Самэлье складае вінную карту, займаецца дэгустацыяй вінаў і дае рэкамэндацыі з выбару напояў наведвальнікам рэстарану. Самэлье ў сваёй працы карыстаецца спэцыяльным «лейцарам самэлье». Навучаньне самэлье праходзіць у спэцыялізаваных школах самэлье, дзе, акрамя тэарэтычных ведаў аб гісторыі віна й вінаробных рэгіёнах, будучыя самэлье вучацца раскладаць пахі віна на складнікі й інтэрпрэтаваць атрыманыя букеты. У выніку прафэсійны самэлье па паху віна здольны вызначыць якасьць напою, гатунак вінаграду, і часам рэгіён паходжаньня віна й яго ўзрост. Нюх трэніруецца з дапамогай спэцыяльных набораў вінных пахаў.
У сярэднявеччы ў Францыі пры каралеўскім двары «самэлье» называлі слугу, які адказваў за транспартаваньне багажу, а пазьней за бялізну, посуд, правізію й вінны склеп.
Зьвяз самэлье Францыі прысвойвае званьне «Мэтра самэлье» тым, хто прарабіў больш за 10 гадоў на гэтай пасадзе.
![Thumb image](http://upload.wikimedia.org/wikipedia/commons/thumb/f/f2/Sommelier_Knife2.jpg/640px-Sommelier_Knife2.jpg)