![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b0/Rugby_Sevens_Melbourne_2006.jpg/640px-Rugby_Sevens_Melbourne_2006.jpg&w=640&q=50)
Рэгбі-7
From Wikipedia, the free encyclopedia
Рэгбі-7 (па-ангельску: Rugby sevens) — разнавіднасьць клясычнага рэгбі, якая зарадзілася ў Шатляндыі. Назва тлумачыцца тым, што ў кожнай камандзе ўсяго па сем гульцоў (тры нападнікі й чатыры абаронцы), а гульня складаецца з двух таймаў па сем хвілінаў (перапынак — адна хвіліна).
![Thumb image](http://upload.wikimedia.org/wikipedia/commons/thumb/b/b0/Rugby_Sevens_Melbourne_2006.jpg/640px-Rugby_Sevens_Melbourne_2006.jpg)
У цяперашні час рэгбі-7 культывуецца амаль у 100 краінах. У камандзе 7 гульцоў (4 абаронцы й 3 нападнікі), а таксама трое запасных. Працягласьць матчу — 2 таймы па 7 хвілінаў з хвілінным перапынкам паміж імі (у фінале — 2 таймы па 10 хвілінаў зь перапынкам паміж таймамі ў 2 хвіліны). Пры неабходнасьці прызначаецца дадатковы час — 5 хвілінаў. У выпадку, калі адной з камандаў атрымаецца пры гэтым дамагчыся посьпеху, гульня спыняецца.
Гэты дынамічны від рэгбі пасьпеў трапіць у заяўку на ўдзел у праграме Алімпійскіх гульняў 2012 году ў Лёндане, але быў адхілены. 9 кастрычніка 2009 году на 121 сэсіі МАК у Капэнгагене 81 голасам супраць 8[1] было вырашана ўключыць рэгбі-7 у праграму Алімпійскіх гульняў 2016 у Рыа-дэ-Жанэйра[2].