«Рух» (па-польску: Ruch) — польскі футбольны клюб з гораду Хожава. Заснаваны ў 1920 годзе. 14-разовы чэмпіён Польшчы, трохразовы ўладальнік Кубка Польшчы.
| Рух Хожаў | |
.svg) | |
| Поўная назва | Ruch Chorzów |
|---|---|
| Заснаваны | 1920 |
| Горад | Хожаў, Польшча |
| Стадыён |
Гарадзкі Умяшчальнасьць: 10 000 |
| Галоўны трэнэр | |
| Чэмпіянат | Першая ліга |
| · 2023—2024 | Экстракляса, 17 месца (паніжэньне) |
 Галерэя здымкаў у Вікісховішчыksruch.com (пол.) | |
Гісторыя
20 красавіка 1920 году польскія жыхары тагачаснай нямецкай Верхняй Сылезіі ў Гайдуках, які на той момант яшчэ быў асобным месцам і не ўваходзіў у склад Хожува, быў створаны клюб, які атрымаў назву «Рух». Пасьля далучэньня рэгіёну да Польшчы, нямецкія клюбы пачалі аб’ядноўваць з польскімі. У выніку 7 студзеня 1923 году існы нямецкі клюб ББК (ням. Bismarckhütter Ballspiel Club) быў аб’яднаны з «Рухам». У той час Гайдукі зьмянілі назву на Вялікія Гайдукі. З 1933 году «Рух» чатыры гады запар здабываў перамогу ў чэмпіянаце Польшчы.
У 1939 годзе, пасьля захопу тэрыторыі Польшчы гітлераўцамі і далучэньня яе да Нямеччыны, нямецкія ўлады ліквідавалі ўсе польскія арганізацыі і клюбы. Дзейнасьць былога нямецкага клюбу ББК была адноўленая, а ў лістападзе 1939 годзе клюб атрымаў назву «Бісмаркгютэр-99», бо нямецкі клюб вёў свой адлік з 1899 году.
Па Другой сусьветнай вайне на пачатку 1945 году польскі клюб аднавіў сваю дзейнасьць. Першапачаткова ён меўся менавацца «Рухам», але ў 1949 годзе яго пераназвалі на пастанову польскіх уладаў «Хэмікам». Потым каманда атрымала назоў «Унія». Менавіта з гэтым імём дружына здабыла свой першы Кубак Польшчы ў 1951 годзе. У тым жа годзе хожаўцы сталі чэмпіёнамі краіны, абараняючы тытул яшчэ двойчы запар. Толькі празь некалькі гадоў клюб аднавіў гістарычную назву «Рух», пэўны час называючыся «Унія-Рух». У 1960-х гадах «Рух» двойчы быў чэмпіёнам краіны, а таксама дэбютаваў у эўрапейскіх турнірах, але ўжо ў 1970-х гадах. Здабыўшы перамогу над турэцкім «Фэнэрбахчэ» ў першым раўндзе Кубка УЭФА 1972—1973 гадоў, каманды двойчы саступіла дрэздэнскаму «Дынама». Праз год польскі клюб пракрочыў праз усе першыя раўнды і быў выбіты нідэрляндзкім «Фэеноордам» толькі ў 1/4 фіналу. У 1980-я гады пачаўся заняпад, які цягнуўся і наступныя дзесяцігодзьдзі.
27 сьнежня 2004 году была была створаная спартовае акцыянэрнае таварыства, які атрымаў кіраваньнем над «Рухам». У 2017 годзе клюб усё яшчэ меў фінансавыя цяжкасьці, выкліканыя дзеяньнямі папярэдняга кіраваньня. З каманды пачалі адымаць пункты ў турнірнай табліцы, а сам клюб мусіў прайсьці працэс рэструктурызацыі запазычанасьці. Аднак цяжкасьці вымусілі клюб трапіў у чацьверты польскі футбольны дывізіён увесну 2018 году. З гэтага моманту пачаўся паступовы ўздым каманды, дзякуючы чаму ўжо ў сэзоне 2023—2024 гадоў хожаўскі клюб зноў спаборнічаў у Экстраклясе.
Крыніцы
Вонкавыя спасылкі
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
