Пётар Пац

Пётар Пац (каля 1570 — 19 ліпеня 1642) — дзяржаўны дзяяч Вялікага Княства Літоўскага. Харунжы (з 1613) і падскарбі дворны літоўскі (з 1635), ваявода троцкі (з 1640).

Пётар Пац

Панэгірык на сьмерць Пятра Паца
Герб «Газдава»
Асабістыя зьвесткі
Нарадзіўся	1570
Памёр	6 верасьня 1624
Пахаваны	Вільня[1]
Род	Пацы
Бацькі	Павал Пац Раіна з Валовічаў
Жонка	Ядвіга з Завішаў Альжбета з Шэметаў
Дзеці	ад 1-га шлюбу: Ян ад 2-га шлюбу: Крыштап, Вацлаў, Юры, Фэлікс Ян, Геранім Дамінік, Баніфацы Тэафіл, Міхал Казімер, Казімер, Ганна
Дзейнасьць	вайсковец

Быў старостам амсьціслаўскім, радамскім і даўгелішкаўскім. Валодаў мястэчкам Відзамі ў Ашмянскім павеце.

Біяграфія

Прадстаўнік шляхецкага роду Пацаў гербу «Газдава», сын Паўла, кашталяна віленскага, і Раіны з Валовічаў. Меў брата Мікалая.

Абіраўся паслом на соймы. Атрымаў шэраг урадаў.

Удзельнічаў у войнах Рэчы Паспалітай з Швэцыяй (1600—1629), Маскоўскай дзяржавай (1609—1618), Асманскай імпэрыяй (1621)^[2].

Першы раз ажаніўся зь Ядвігай Завішанкай, другі — з Альжбетай, дачкой кашталяна смаленскага Вацлава Шэмета. У першым шлюбе меў сына Яна, дзеці ад другога шлюбу:

• Крыштап (? — 1633), каралеўскі дваранін
• Вацлаў (памёр маладым), дваранін імпэратара Фэрдынанда
• Юры, які стаў бэрнардынам;
• Фэлікс Ян (? — па 1699), падкаморы вялікі літоўскі
• Геранім Дамінік (? — 1662)
• Баніфацы Тэафіл (? — 1678), абозны вялікі літоўскі
• Міхал Казімер (? — 1682), гетман вялікі літоўскі
• Казімер (? — 1695), біскуп жамойцкі
• Ганна, жонка Караля Пятра Ісайкоўскага, лоўчага вялікага літоўскім, па ягонай сьмерці выйшла за Тэадора Ляцкага, маршалка дворнага літоўскага^[3]

Крыніцы

1. Pacowie : materyjały historyczno-genealogiczne / пад рэд. J. Wolff — СПб.: 1885. — С. 64. — 377 с.
2. Анатоль Грыцкевіч. Пацы // ВКЛ. Энцыкл. — Мн.: 2005 Т. 2. С. 423.
3. Pacowie Праверана 4 ліпеня 2012 г.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0