![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/24/Protoplanetary_disk_of_RX_J1615_%2528eso1640b%2529.jpg/640px-Protoplanetary_disk_of_RX_J1615_%2528eso1640b%2529.jpg&w=640&q=50)
Протаплянэтны дыск
From Wikipedia, the free encyclopedia
Протаплянэ́тны дыск або праплід — калязорны дыск шчыльнага газу, які круціцца вакол маладой, нядаўна сфармаванай зоркі, пратазоркі, зоркі тыпу T Цяльца або зоркі Гербіга (Ae/Be), зь якога пасьля ўтвараюцца плянэты. Протаплянэтны дыск таксама можа лічыцца акрэцыйным дыскам, паколькі газападобны матэрыял зь ягонага ўнутранага радыюсу можа падаць на паверхню зоркі.
![Thumb image](http://upload.wikimedia.org/wikipedia/commons/thumb/d/de/Protoplanetary_disk.svg/640px-Protoplanetary_disk.svg.png)
![Thumb image](http://upload.wikimedia.org/wikipedia/commons/thumb/2/24/Protoplanetary_disk_of_RX_J1615_%28eso1640b%29.jpg/640px-Protoplanetary_disk_of_RX_J1615_%28eso1640b%29.jpg)
![Thumb image](http://upload.wikimedia.org/wikipedia/commons/thumb/d/d6/Boulevard_of_Broken_Rings.jpg/640px-Boulevard_of_Broken_Rings.jpg)
Протаплянэтныя дыскі былі выяўлены вакол некалькіх маладых зорак нашай Галяктыкі. Першым зь іх быў адкрыты дыск вакол зоркі β Жывапісца ў 1984 г. Неўзабаве назіраньні арбітальнага тэлескопу «Габл» выявілі плянэтныя сыстэмы, што фармуюцца ў туманнасьці Арыёна. Астраномы адкрылі велізарныя дыскі з газапылавой матэрыі, падобныя на протаплянэтныя, вакол зорак Вэга, Фамальгаўт і Гема (або Альфека, α Паўночнай Кароны).