стадыён у Лусаіле, Катар From Wikipedia, the free encyclopedia
Нацыянальны стадыён — футбольны стадыён у катарскім горадзе Лусаіль. Адметны тым, што на стадыёне пройдзе фінальная гульня чэмпіянату сьвету 2022 году[1]. Стадыён, які належыць Катарскай футбольнай асацыяцыі[2], ёсьць найбуйнейшым стадыёнам у Катары, і адным з васьмі стадыёнаў, на якім ладзяцца матчы чэмпіянату сьвету 2022 году[3]. Стадыён знаходзіцца за 20 км на поўнач ад Дохі[4]. Стадыён быў адкрыты 22 лістапада 2021 году матчам Саудаўска-эгіпецкага кубка, калі саудаўскі чэмпіён «Аль-Гіляль» згуляў супраць пераможца эгіпецкага першынства «Замалека».
Нацыянальны стадыён | |
![]() | |
Краіна | Катар |
---|---|
Горад | Лусаіль |
Адрас | CFCR 75 |
Год пабудовы | красавік 2021 |
Дата адкрыцьця | 22 лістапада 2021 |
Зьмяшчальнасьць | 88 966 |
Хатняя каманда | Зборная Катару па футболе |
Тып пакрыцьця | трава[d] |
Каардынаты | 25°25′15″ пн. ш. 51°29′25″ у. д. |
Нацыянальны стадыён на мапе Катару ![]() ![]() Нацыянальны стадыён | |
Працэс плянаваньня стадыёну пачаўся ў 2014 годзе[5]. Будаўніцтвам стадыёну займаліся сумеснае прадпрыемства катарскай кампаніі HBK Contract і Кітайскай чыгуначнай будаўнічай карпарацыі[6][7]. Праект стадыёну быў распрацаваны брытанскай фірмай Фостэр і партнэры і архітэктурным бюро з ЗША кампаніяй Posulous[8]. Як і іншыя стадыёны, заплянаваныя да чэмпіянату сьвету 2022 году, Нацыянальны стадыён мае тэхналёгію астуджанэньня з дапамогай сонечнай энэргіі з нулявым выкідам вугляроду[9].
Будаўніцтва пачалося 11 красавіка 2017 году[10]. Першапачаткова завяршэньне будаўніцтва стадыёну было запланаванае на 2020 год. Пасьля чэмпіянату сьвету, як чакаецца, арэна будзе перабудаваная да умяшчальнасьці 40 тысяч месцаў[11]. Залішнія сядзеньні будуць выдаленыя, а іншыя часткі будынку пераробленыя ў зоны з крамамі, кавярнямі, спартовымі і адукацыйнымі аб’ектамі, а таксама установы аховы здароўя[12]. Як і іншыя стадыёны, падрыхтаваныя да чэмпіянату сьвету, 16 жніўня 2022 году стадыён атрымаў пяць зорак[13].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.