![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Forsarna_vid_Drags%252C_Norrk%25C3%25B6ping%252C_2006.jpg/640px-Forsarna_vid_Drags%252C_Norrk%25C3%25B6ping%252C_2006.jpg&w=640&q=50)
Мутала (рака)
From Wikipedia, the free encyclopedia
Мутала, або Мутала стрэм (па-швэдзку: Motala ström) — рака ў Швэцыі. Бярэ пачатак у возеры Вэтэрн, у горадзе Мутала і цячэ на ўсход праз азёры Бурэн і Юнгсшэн да возера Руксэн (часам паралельна зь Ёта-каналам). Ля Нурсгольму паварочвае на поўнач і праз Шэрбляку цячэ да возера Глян. Затым цячэ на ўсход праз Нарчэпінг і ўпадае ў заліў Бравікен. Даўжыня ракі 100 км (ад Вэтэрну да Бравікену; але калі ўлічваць раку Гускварнаон ад вытоку і ўвесь Вэтэрн, зь якога потым бярэ пачатак Мутала, то будзе 285 км). Плошча басэйну 15 481 км². Мутала стрэм заўсёды мела важнае значэньне для гораду Нарчэпінг. На рацэ знаходзіцца прынамсі 25 ГЭС, наймацнейшая зь якіх — Гольмэн (29 МВ, 18 м). У Мутале распаўсюджаны адзін зь відаў карпападобных рыбаў, занесеных у Чырвоную кнігу — жэрах.
- Гэтая назва мае некалькі сэнсаў. Калі вас цікавяць іншыя сэнсы, глядзіце таксама Мутала (неадназначнасьць).
Мутала (Мутала стрэм) | |
Motala ström | |
![]() Мутала стрэм у цэнтры Нарчэпінгу | |
Агульныя зьвесткі | |
---|---|
Выток | возера Вэтэрн |
Вусьце | Балтыйскае мора |
Вобласьці | Мутала і Нарчэпінг |
Даўжыня | 100 км |
Сярэднегадавы сьцёк | 100 м³/с |
Плошча басэйну | 15 481 км² |