Марыя Шканава

Марыя Шканава (нар. 18 кастрычніка 1989 году, Ленінград) — беларуская гарналыжніца. Удзельніца некалькіх Зімовых Алімпійскіх гульняў.

Марыя Шканава
Пэрсанальная інфармацыя
Нарадзілася	18 кастрычніка 1989(1989-10-18)[1][2][3] (35 гадоў) Ленінград, РСФСР, СССР[4][2]
Грамадзянства	Беларусь[4]
Рост	176
Вага	66
Прафэсійная інфармацыя
Спэцыялізацыя	гарналыжнік

Жыцьцяпіс

Займацца горнымі лыжамі пачала ў 1998 годзе ў Расеі ў горадзе Магнітагорску. На спаборніцтвах пад эгідай Міжнароднай фэдэрацыі лыжнага спорту і сноўборд (FIS) Марыя пачала выступаць у канцы 2004 году. Доўгі час выступала толькі на міжнародных і нацыянальных спаборніцтвах, якія праходзілі ў Расеі. З сэзону 2006/2007 Марыя стала выступаць на міжнародных стартах у гонках FIS, Сіцізэн і нацыянальных чэмпіянатах, пры гэтым часта трапляла ў дзясятку наймацнейшых. З 2008 году Марыя Шканава зьмяніла грамадзянства і стала выступаць за Беларусь.

У 2010 годзе Марыя Шканава дэбютавала на зімовых Алімпійскіх гульнях у Ванкувэры. У супэргіганце заняла 33-е месца, у слаламе стала 38-й, а ў гіганцкім слаламе 40-й. У 2011 годзе Шканава выступіла на чэмпіянаце сьвету. Найлепшым вынікам на сусьветным першынстве для Марыі стала 29-е месца ў супэргіганце. На этапах Кубка сьвету Шканава ўпершыню выступіла 3 студзеня 2012 году ў сталіцы Харватыі Заграбе, але не змагла фінішаваць у слаламе. У гэтым жа сэзоне беларуская гарналыжніца пачала выступаць і ў Кубку Эўропы. У 2013 годзе Марыя прыняла ўдзел у зімовай Унівэрсіядзе, дзе па суме ачкоў ва ўсіх дысцыплінах заняла трэцяе месца.

У 2014 годзе ў другі раз выступіла на зімовых Алімпійскіх гульнях. У слаламе стала 29-й, а ў гіганцкім слаламе заняла 44-е месца. Таксама Марыя выступіла ў супэргіганце, але ня здолела завяршыць гонку.

Уключана ў беларускую зборную на Зімовых Алімпійскіх гульнях 2018 году.

Вынікі

Алімпійскія гульні

Алімпійскія гульні	Хуткасны спуск	Супэргігант	Гіганцскі слалам	Слалам	Камбінацыя
Ванкувэр 2010		33	40	38
Сочы 2014	—	DNF1[5]	44	29	—
Пхёнчханг 2018		не пачала	38	28
Пэкін 2022				20

Чэмпіянат сьвету

Чэмпіянат сьвету	Хуткасны спуск	Супэргігант	Гіганцскі слалам	Слалам	Камбінацыя
Валь-д'Ізэр 2009	—	31	DNF1	DNF1	—
Гарміш-Партэнкірхэн 2011	—	29	47	DNF1	—
Шладмінг 2013	—	DNS1	DNF1	DNF2	30

Крыніцы

1. Ski-DB.com (анг.)
2. Olympedia (анг.) — 2006.
3. база зьвестак МФЛС (анг.)
4. Трофименков Г. Раньше занималась гимнастикой, а сейчас возит на соревнования багаж в 250-300 кг. Интервью с лучшей горнолыжницей Беларуси Марией Шкановой — 2024.
5. па-ангельску: Did not finish 1st run. Не прыйшла да фінішу у першым забегу.

Вонкавыя спасылкі

• Профіль на сайце FIS  (анг.)