Маркіз дэ Сад
From Wikipedia, the free encyclopedia
Данасьен Альфонс Франсуа дэ Сад (па-француску: Donatien Alphonse François de Sade; 2 чэрвеня 1740 — 2 сьнежня 1814), які ўвайшоў у гісторыю як маркіз дэ Сад (па-француску: marquis de Sade [maʁˈki də sad]) — францускі арыстакрат, пісьменьнік і філёзаф. Ён быў прапаведнікам абсалютнай свабоды, якая не была б абмежавана ні маральнасьцю, ні рэлігіяй, ні правам, а асноўнай каштоўнасьцю жыцьця лічыў спаталеньне імкненьняў асобы.
![Thumb image](http://upload.wikimedia.org/wikipedia/commons/thumb/f/f8/Sade_%28van_Loo%29.png/220px-Sade_%28van_Loo%29.png)
Ад яго імя сэксуальнае задавальненьне, якое атрымліваецца шляхам прычыненьня іншаму чалавеку болю і/або зьневажаньняў, атрымала (у працах сэксоляга Рыхарда фон Крафт-Эбінга) назву «садызм» (пасьля словы «садызм», «садыст» сталі ўжывацца і ў больш шырокім сэнсе).