Леччэ

Леччэ (па-італьянску: Lecce) — горад у Італіі, які месьціцца ў рэгіёне Апуліі, адміністрацыйны цэнтар аднайменнай правінцыі. У месьце працуе Салентыйскі ўнівэрсытэт. Дзякуючы сваёй багатай архітэктуры ў стылі барока Леччэ часам называюць «Паўднёвай Флярэнцыяй»^[3].

Леччэ
Краіна:	Італія
Кіраўнік:	Маўра Гаціноні[d]
Плошча:	241 км² (9 кастрычніка 2011)[1]
Вышыня:	49 м н. у. м.
Насельніцтва:	▼94 783 чал. (1 студзеня 2023)[2]
Тэлефонны код:	0832
Паштовы індэкс:	73100
Нумарны знак:	LE
Геаграфічныя каардынаты:	40°21′7.24″ пн. ш. 18°10′8.90″ у. д.
Леччэ на мапе Італіі Леччэ
Галерэя здымкаў у Вікісховішчы
http://www.comune.lecce.it

Гісторыя

Трыюмфальная арка Леччэ.

Паводле легенды, у часы Траянскай вайны існаваў горад пад назвай Сыбар, заснаваны мэсапамі. Ён быў заваяваны рымлянамі ў III стагодзьдзі да н. э., атрымаўшы назву Люпія^[4]. Пры імпэратары Адрыяне, то бок у II стагодзьдзі, горад быў перанесены на 3 кілямэытры на паўночны ўсход, атрымаўшы назву Ліцэя або Ліцыюм. Леччэ займеў тэатар і амфітэатар і быў зьвязаны з Адрыянавым портам. Сьвяты Аронцыюс, які сам паходзіць зь Леччэ, некалі быў першым хрысьціянскім біскупам гораду. Сёньня ён зважаецца сьвятым заступнікам гораду^[5].

Пасьля зьнікненьня Заходняй Рымскай імпэрыі Леччэ быў разрабаваны каралём остготаў Татылам за часам Гатычных войнаў. Рымскае панаваньне над горада было адноўленае ў 549 годзе і заставаўся часткай Усходняй Рымскай імпэрыі цягам V стагодзьдзяў з кароткімі часамі ўлады сарацынаў і лянгабардаў. Пасьля нармандзкай заваёвы ў XI стагодзьдзі Леччэ аднавіў сваю гандлёвую і палітычную значнасьць. Граф Танкрэд зь Леччэ быў апошнім нармандзкім каралём Сіцыліі. Графства Леччэ было адным з найбуйнейшых і найважнейшых фэодаў у каралеўстве Сыцыліі з 1053 па 1463 гады, калі яно было беспасярэдне далучанае да каронных земляў. З XV стагодзьдзя Леччэ зважаўся адным з найважнейшых гарадоў паўднёвай Італіі, і, пачынаючы з 1630 году, разьвіцьцё ў месьце атрымаў стыль барока. Каб прадухіліць уварваньне асманаў, у першай палове XVI стагодзьдзя Карл V, які таксама быў імпэратарам Сьвятой Рымскай імпэрыі, узьвёў новыя муры і замак. У сярэдзіне XVII стагодзьдзя горад пакутваў ад пошасьці чумы.

Крыніцы

1. Superficie di Comuni Province e Regioni italiane al 9 ottobre 2011 — ISTAT.
2. https://demo.istat.it/app/?i=P02
3. «Lecce: Italy». Lifeinitaly.
4. «LUPIAE (Lecce) Apulia, Italy». The Princeton Encyclopedia of Classical Sites.
5. «Sant’Oronzo, la storia del patrono di Lecce». Italiani.

Вонкавыя спасылкі

• Афіцыйны сайт. (італ.)