Грамадзянская плятформа

Грамадзя́нская плятфо́рма (па-польску: Platforma Obywatelska) — польская лібэральна-кансэрватыўная палітычная партыя, заснаваная 24 студзеня 2001 году ў Гданьску трыма палітыкамі: Анджэем Аляхоўскім, Мацеем Плажынскім і Дональдам Тускам (Аляхоўскі і Плажынскі пазьней выйшлі з партыі). Партыя ўтварылася шляхам інтэграцыю аскепкаў фракцыяў Выбарчая акцыя Салідарнасьць і Уніі свабоды. Адразу ж плятформа заняла другое месца ў парлямэнцкіх выбарах 2001 году. Да 2007 году партыя знаходзілася ў парлямэнцкай апазыцыі але пасьля абагнала партыю Права і справядлівасьць, здабыўшы 209 месцаў. У гэты час лідэр партыі Дональд Туск працаваў прэм’ер-міністрам. Пасьля катастрофы пад Смаленскам у 2010 годзе, калі самалёт з прэзыдэнтам Польшчы Леха Качынскага трапіў у авіякатастрофу прадстаўнік партыі Браніслаў Камароўскі спачатку выконваў абавязкі прэзыдэнта і быў абраны прэзыдэнтам у тым жа годзе. Туск працягваў выконваць абавязкі прэм’ер-міністра і лідэра Грамадзянскай плятформы, пакуль не падаў у адстаўку ў 2014 годзе, каб заняць пасаду старшыні Эўрапейскай рады. Пасьля сыходу палітыка партыя ня здолела захаваць большасьць на парлямэнцкіх выбарах 2015 і 2019 гадоў.

Грамадзянская плятформа
польск. Platforma Obywatelska
Лідэр партыі	Борыс Будка
Заснавальнік	Андрэй Аляхоўскі, Мацей Плажынскі, Дональд Туск
Дата заснаваньня	24 студзеня 2001 (23 гады таму)
Штаб-кватэра	Варшава, вул. Сельская(pl), д. 12а
Саюзьнікі і блёкі	Польскае народнае прыхільніцтва(pl)
Ідэалёгія	лібэральны кансэрватызм[d] і хрысьціянская дэмакратыя[d]
Інтэрнацыянал	Эўрапейская народная партыя
Моладзевая арганізацыя	Маладыя дэмакраты
Колькасьць	17 000
Колькасьць дэпутатаў
· Эўрапарлямэнт	14 / 52
· Сойм	106 / 460
· Сэнат	38 / 100
Афіцыйны сайт	platforma.org (пол.)

Электаральная падтрымка на парлямэнцкіх выбарах 2007 году па рэгіёнах

Выбары

• Парлямэнцкія:

1. 2001 — 12,68 %, 65 дэпутатаў Сойма і 2 сэнатары
2. 2005 — 24,14 %, 133 і 34
3. 2007, 21 кастрычніка — 41,51 %, 209 і 60
4. 2011, 11 кастрычніка — 39,18 %^[1], 206 месцаў у Сойме і 63 у Сэнаце
5. 2015, 25 кастрычніка — 24,09%, 138 месцаў у Сойме і 34 у Сэнаце
6. 2019 — 27,4%, 119 месцаў у Сойме і 43 у Сэнаце

• Прэзыдэнцкія:

1. 2005 — Дональд Туск прайграў у другім туры (45,96 %)
2. 2010 — Браніслаў Камароўскі перамог у другім туры (53,01 %)
3. 2015 — Браніслаў Камароўскі прайграў у другім туры (48,45 %)
4. 2020 — Рафал Тшаскоўскі прайграў у другім туры (48,90 %)

Крыніцы

1. ЦВК Польшчы пацьвердзіла перамогу партыі прэм'ер-міністра // Зьвязда : газэта. — 12 кастрычніка 2011. — № 195 (27058). — С. 3. — ISSN 1990-763x.

Вонкавыя спасылкі

• Афіцыйны сайт (пол.)
• Маладыя Дэмакраты (пол.)