![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Hercegovina.jpg/640px-Hercegovina.jpg&w=640&q=50)
Герцагавіна
From Wikipedia, the free encyclopedia
Герцаґаві́на (па-басьнійску; па-харвацку:Hercegovina; па-сэрбску: Херцеговина) — гістарычная вобласьць на Балканах, частка сучаснае дзяржавы Босьнія і Герцагавіна. Плошча Герцаґавіны складае каля 11,4 тысячаў км², што каля 20 % тэрыторыі Босьніі й Герцаґавіны. Астатнія 80 % займае Босьнія на поўначы. Мяжа паміж Босьніяй й Герцаґавінаю афіцыйна не ўсталяваная, але звычайна праводзіцца па Іван Планіне. Галоўным местам Герцаґавіны лічыцца Мостар.
![Thumb image](http://upload.wikimedia.org/wikipedia/commons/thumb/b/bd/Hercegovina.jpg/320px-Hercegovina.jpg)
![Thumb image](http://upload.wikimedia.org/wikipedia/commons/thumb/e/ed/Mapa_c.k._garnizonow_%28Landwehra%29_1898.jpg/640px-Mapa_c.k._garnizonow_%28Landwehra%29_1898.jpg)
Абедзьве вобласьці былі цесна зьвязаныя зь Сярэднявечча, і часта назва Босьнія ўжываецца для пазначэньня Босьніі й Герцагавіны разам. Назва Босьнія й Герцагавіна зьявілася толькі ў канцы асманскага кіраваньня
Назва «Герцаґавіна» значыць «Зямля герцаґа» і названая так у гонар Стэфана Вукшыча, які насіў тытул герцаґа (1448) і аб’яднаў землі сучаснае Герцаґавіны пад сваім кіраваньнем. Герцаґавіна мяжуе з Босьніяй на поўначы, Чарнагорыяю на ўсходзе, Харватыяю на захадзе, паўэксклавам Харватыі (Дуброўнік) на поўдні, а таксама мае выхад да Адрыятычнага мора працягласьцю 8 км у раёне мястэчка Неўм.