![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e7/Coat_of_arms_of_Mauritius_%2528Original_version%2529.svg/langbe-tarask-640px-Coat_of_arms_of_Mauritius_%2528Original_version%2529.svg.png&w=640&q=50)
Герб Маўрыцыю
From Wikipedia, the free encyclopedia
Герб Маўрыцыю ўяўляе сабой падзелены на чвэрці шчыт залатога і блакітнага колераў. У правай верхняй чвэрці намаляваны старажытны карабель залатога колеру на блакітным фоне. Гэта сымбаль калянізацыі астравоў эўрапейцамі. У левай верхняй чвэрці намаляваны тры пальмы на залатым фоне. Яны адлюстроўваюць трапічную прыроду астравоў. У ніжняй частцы герба намаляваны чырвоны ключ на залатым фоне і серабрыстая зорка над гарой на блакітным фоне. Яны ўвасабляюць сабой дэвіз герба: Stella Clavisque Maris Indici (па-лацінску: Зорка і ключ Індыйскага акіяна). Шчыт апраўляюць два сцябла цукровага трысьнёга, які зьяўляецца галоўнай сельскагаспадарчай культурай Маўрыцыю. Шчытатрымальнікі герба зьяўляюцца дронт і алень. Дронт — буйная нялётная птушка, вымерлая ў XVII стагодзьдзі, сымбаль вострава Маўрыцы. Алень сымбалізуе замбараў, завезеных галандцамі з Явы.
![Thumb image](http://upload.wikimedia.org/wikipedia/commons/thumb/e/e7/Coat_of_arms_of_Mauritius_%28Original_version%29.svg/640px-Coat_of_arms_of_Mauritius_%28Original_version%29.svg.png)