An Sentrong Pangkultura kan Filipinas (Filipino: Sentrong Pangkultura ng Pilipinas, o CCP) sarong korporasyon na pagrurugaring asin kapot kan gobyerno na itinindog tanganing mapreserbar, makamukna asin magpalakop kan mga arte asin kultura sa Filipinas.[1] An CCP itinindog sa paagi kan Orden Ehekutibo No. 30 s. 1966 ni Presidente Ferdinand Marcos. Maski na ngani na sarong independyenteng korporasyon kan gobyerno nin Filipinas, ini nagreresebe nin taonan na subsidiya asin ipiglaag sa irarom kan Nasyunal na Komisyon para sa Kultura asin Artes para sa mga katuyohan kan koordinasyon nin polisiya.[2] An CCP pinamamayohan nin sarong Board of Trustees na igwa nin 11ng myembro na sa presente pinamamayohan ni Margarita Moran-Floirendo bilang tagapamayo. An presenteng pamayo kaini iyo si Arsenio Liza.
Nagtatao an CCP nin lugar para sa mga pasali asin eksibisyon para sa manlainlain na lokal asin internasyonal na produksyon sa 62-ektara (150-acre) kaining Cultural Center of the Philippines Complex na yaon sa mga siyudad nin Pasay asin Manila. Kabali sa mga programa kaini sa lado nin arte iyo an pagprodusir nin mga pasali, kapiyestahan, eksibit, pagsiyasat sa kultura, outreach, pagpreserbar, asin pagpublikar nin mga materyales dapit sa arte asin kultura kan Filipinas. Yaon digdi an headquarters kan Tanghalang Pambansa (English: National Theater), sarong estruktura na idinisenyo kan Artista Nasyonal para sa Arkitektura na si Leandro V. Locsin. Si Locsin ngapit madisenyo nin dakol na iba pang edipisyo sa CCP Complex.
Hilingon pa
- Mga Arte kan Filipinas
- Kultura kan Filipinas
- Nasyonal na Komisyon Para sa Kultura Asin sa Artes
Reperensya
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
