Canaman
From Wikipedia, the free encyclopedia
Remove ads
An Canaman sarong ikaapat na klaseng banwwan na namumugtak sa katahawan kan probinsya kan Camarines Sur, Filipinas. An designadong zip code kaini iyo 4402. Susog sa sensus kan 1 Mayo 2020, igwa ining 36,205 katawong nag-eerok digdi sa 8,201 kaharongan. Igwa ining sukol na 43.27 kilometro kwadrado.
Remove ads
Napapalibotan an banwaan kan Magarao sa norte, Syudad nin Naga sa subangan, Camaligan sa sur, asin salog Bikol sa sur-sulnopan. Kurting baoo an sakop kaini na yaon sa 123°-04’-00” hanggan 123°-11’-00” mga latitud asin 12°-36’-40” hanggan 13°-36’-40”-00 mga longhitud. An sukol kaini 6 na kilometro poon norte hanggan sur asin 14 km. poon subangan hanggan sulnopan.
"Bangon Canaman!" an kurahaw kan presenteng municipio. Bisto an banwaan sa mga apod na "Ronâ nin Pinakapurong Tataramon na Bikol" (Home of Purest Bicol), "Tambobong nin Kulturang Bikolnon" (Citadel of Bicol Culture), asin "Minundagan kan Tangcong Vaca Guerilla Unit" (Birthplace of Tangcong Vaca Guerilla Unit). Digdi madadalan an Lagaylay tuyong bulan nin Mayo.
Saro sa taga-Canaman na may hararom na ambag sa Kulturang Bikolnon iyo si Clemente Alejandria, namundag sa barangay kan Dinaga. Siya sarong makatta na segun sa mga presenteng parasurat garo "bulos nin tubig sa sapa" an mga rawitdawit.
Sarô sa mga bistong namamanwaan kaini iyo an historian asin profesor na si Danilo Gerona. Taga-Canaman o Canamanon (alagad mas pigpipili an naenot huli sa pagiging purong Bikol kan pantakod na taga), an apod sa mga nageerok digdi.
Remove ads
Mga barangay
Nababanga an Canaman sa 24 barangay.
- Baras (Pob.)
- Del Rosario - "Tacolod"
- Dinaga (Pob.)
- Fundado
- Haring
- Iquin
- Liñaga
- Mangayawan
- Palo
- Pangpang (Pob.)
- Poro
- San Agustin - "Gotob" (dating saróng sitio)
- San Francisco - "Bawà"
- San Jose East - "Calambog (mambog) na Sadit"
- San Jose West - "Calambog (mambog) na Dakulà"
- San Juan
- San Nicolas
- San Roque
- San Vicente
- Santa Cruz (Pob.)
- Santa Teresita - "Gogon"
- Sua
- Talidtid
- Tibgao (Pob.)
San Francisco
An "San Francisco" saro sa bienti kuatrong barangay na sakop kan Munisipyo nin Canaman. Bistado an barangay na ini sa apod na Barangay "Bawa". Sosog sa mga gurang sa barangay na ini, "Pawa" an dating ngaran kan barangay na ini. An barangay na ini bistado pa sa bansag na "Pulang Isla". Inapod ining arog kaiyan huli ta haros gabos na nakaistar igdi mga paramama. Dawa magsarain kaya ang mga tao igdi nagmamarama kaya inapod na "Pulang Isla". Ini igwang sadiring elementarya na kun sain an mga kaakian matatawan na nin maray edukasyon. San Francisco Elementary School an ngaran kan eskwelahan. An eskwelahan na ini haros trentang taon na. Igwa man ini nin sadiring simbahan na kun sain an patron iyo si San Francisco de Asisi. Igwa ini haros dos mil na tao na nakaistar igdi sa ngonian taon.
Remove ads
Opisyales kan barangay
An mga minasunod iyo an mga nanggana sa eleksyon kan Oktubre dos mil trese:
- Kapitan:
- Rogrigo Agustin
- Kagawad:
- Perpekto Ramos Jr. (nanginginotang kagawad)
- Jun Bermudo Jr.
- Melba De Castro
- Marites De Mesa
- Gerald Nitor
- Awel Velarde
- Mark Anthony Barrosa
Demograpiko
Pagbuhay
Pinag uurgulyo kan mga taga bawaan saindang pagbuhay na iyo an mga minasunod:
- pagtanom nin paroy katabang an saindang ataman na damulag (pag-uma)
- paggibong tiklad hali sa dahon nin nipa
- paglaya asin pagpukot nin sira sa kasalugan
- pag'ataman nin mga hayop arog kan orig, manok, pato, itik asin ganso.
Mga kaugalian
An mga taga Bawa mahihigos na tao, tataong magmakulog sa iba, mapinadangat sa lambang saro, maginalang-galang lalo na sa mga gurang, makusog an pagtubod sa Kagurangan, matinabang tabang sa mga nangangaipo asin nagkakaburunyog asin nagkakasararo sa dawa ano mang unos an pinag aaragihan.
Mga sikat na gamit
- Bead Craft
Ini saro sa pinagkakakitaan kan mga babae sa munisipyo kan poro Del Rosario, Mangayawan,Iquin,Pangpang,San Nicolas saka San Agustin.
- Recycled-Paper bag
Saro ining gamit na nakukua sa mga lumang papel kan sarong munisipyo. Ngonyan nagin nang sarong hanapbuhay ta dakul nang mga taga-banwa an naggigiribo kaini asin pinapabakal sa sentro.
- Bayong asin kayab
An mga taga-banwaan, orog na an mga taga Sta. Cruz, an hanapbuhay iyo an paggibo nin mga ba'yong asin abaniko gibo hale sa bulos o anahaw. Alagad, huli ta maipo na an materyal na ini, napedir pa sa katagalogan kan anahaw.
Remove ads
Lista nin mga eskwelahan
Pampubliko
Elementarya
- Canaman Central School - Barangay Dinaga
- Fundado Elementary School
- Haring-San Agustin-Baras Elementary School - Barangay Haring
- Iquin Elementary School
- Mangayawan Elementary School
- Poro Elementary School
- San Francisco Elementary School
- San Nicolas Elementary School
- Tacolod Elementary School - Barangay Del Rosario
Sekundarya
- Sta. Cruz National Highschool
- Mangayawan Highschool
- Northern Canaman Highschool - Barangay Fundado
Pampribado
Kolehiyo
- Mariner's Polytechnique Colleges Foundation - Barangay Baras
- Philippine Aeronautical College - Barangay Baras
Pre-school at Elamentarya"
- Kurtland Grade SCHOOL - Barangay Baras
Remove ads
Mga Medya
Mga istasyon nin AM
- Radyo Patunayan 855 (Filipinas Broadcasting Network paraoperar kan Thrivecare Pharma)
AM transmitter
- DZGE Radyo Patunayan 855 kHz (Audiovisual Communicators, Inc.)
Kataytayan nin mga ladawan
Munisipyo
Canaman Peoples Center
Partisipantes kan Lagaylay 2008
An simbahan katoliko (luma)
Monumento kan TVGU sa Requejo Park (luma)
Mga hihilngan
- Canaman marks 408th fiesta; history, evangelization traced Archived 2008-11-20 at the Wayback Machine.
Toltolan
Mga panluwas na takod
Wikiwand - on
Seamless Wikipedia browsing. On steroids.
Remove ads