Buhi
From Wikipedia, the free encyclopedia
Remove ads
An Buhi sarong primera klaseng banwaan sa probinsya kan Camarines Sur, Pilipinas. An designadong zip code kaini iyo 4433. Susog sa sensus kan 1 Mayo 2020, igwa ining 81,306 katawong nag-eerok digdi sa 18,796 kaharongan. Igwa ining sukol na 246.65 kilometro kwadrado.
Remove ads
Bistado an banwaan na ini bako lang sa saiyang danaw, iyo man kayâ ini an eerokan kan pinakasadit na nakakakan na sirâ sa kinaban na inaapod na sinarapan o tabyos (Mystychtis luzonensis). An specie nin tabyos nakukua igdi sa Buhi nagkokolor aru-abohon manta an nakukua sa Sola' nin San Miguel, Calabanga, Camarines Sur may kolor na puri, asin man an nakukua sa danaw nin Bato, Camarines Sur mapula-pula.
An tataramon digdi iyo an Buhi Bikol o Buhi-non.[2][3]
Remove ads
Mga barangay
Nababanga an Buhi 38 barangay.
- Antipolo
- Burocbusoc
- Cabatuan
- Cagmaslog
- Amlongan (Del Rosario)
- De La Fe
- Divino Rostro
- Ipil (Fatima)
- Gabas
- Ibayugan
- Igbac
- Iraya (Del Rosario)
- Labawon (Santa Teresita)
- De Los Angeles (Los Angeles)
- Monte Calvario
- Namurabod
- Sagrada Familia
- Salvacion
- San Antonio
- San Buenaventura (Poblacion)
- San Francisco (Parada)
- San Isidro
- San Jose (Baybayon)
- San Jose (Salay)
- Macaangay
- San Pascual (Poblacion)
- San Pedro (Poblacion)
- San Rafael
- San Ramon (Kaarayo)
- San Roque (Poblacion)
- San Vicente (Buraburan)
- Santa Clara(Poblacion)
- Santa Cruz
- Santa Elena (Poblacion)
- Santa Isabel
- Santa Justina
- Lourdes (Santa Lourdes)
- Tambo
Remove ads
Demograpiko
Agi-agi kan banwaan
Amay pa sa taon na 1578, an mga misyonero haleng Iriga nagduruman na sa Buhi sa pagbalangibog kan ebanghelyo o Marahay na Bareta. Kan taon 1605 an paroko namukna asin si Fray Antonio Mendez an pinaka-enot na pastor. An simbahan na gibo sa mga kahoy asin dulot para ki San Francisco de Asis natumtom kan taon 1730. Pakatapos kan pangyaring ini, si Reberendo Padre Jose de Cerda nagpatugdok nin simbahan gibo sa gapo asin ini pinag-inaguraran kan Disyembre 24, 1738.
Kun napa'no ta nangaranan an banwaan na Buhi, si Fray Felix de Huerta nagsabi na an kahulogan kan Buhi, "makadulag o magdulag sa anuman na pag-alaman". Osipon niya na bago pa nagdatong an mga Kastila igwa daa nin dakulang pamilya nag-eestar sa sarong sadit na bulod na an apod Ligñion. (Ini kaya idtong Bulod nin Ligñion na ngonyan harani sa Palayogan kan Legazpi sakop nin Daraga?) An pamilyang ini nagsasakdo nin tubig sa sarong burabod na kun saen igwang sarong rimuranon na naggadan sa mga miyembro kaini asin duwa sanang magtugang an nakaligtas. Osipon ni Huerta, an duwang ini nagdurulag asin nagpasiring saka nag-erok na sa ibang lugar harani sa sarong sadit na Bukid Asog. Dangan dakul nang mga tawo an nagduruman asin nag-erestar, mala ta an sinabing lugar inapod nang Buhi huli kan makamundong pangyaring idto.
An popular na pagtubod totoo kan mga Buhi-non, nangaranan an munisipyo na BUHI ta su mga enot na nagbanwa igdi nagdurulag sa makuring pagtuga kan bulkan na Ma'yong.
Kataytayan nin mga ladawan
Lumang Munisipyo kan Buhi
Simbahan kan Parokya ni San Francisco de Asis sa Buhi
Bukid Asog asin an Danaw kan Buhi
Buhi Veterans Memorial Monument
.jpg)
Nota
Si Felix de Huerta sarong prayleng Franciscano, eskolar asin misyonero na nagsurat kan Estado Geográfico, Topográfico, Estadístico, Histórico-Religioso, de la Santa y Apostólica Provincia de San Gregorio Magno ... de N.S.P.S. Francisco, en las Islas Filipinas , Binondo, 1865. An libro niya rekord kan mga agi-agi kan mga Katolikong paroko igdi sa Pilipinas kan panahon nin Kastila.
Toltolan
Mga panluwas na takod
Wikiwand - on
Seamless Wikipedia browsing. On steroids.
Remove ads