![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c3/Sarah%252C_Duchess_of_York%252C_Gahanga_Cricket_Stadium_1_%2528October_2017%2529_%2528cropped%2529.jpg/640px-Sarah%252C_Duchess_of_York%252C_Gahanga_Cricket_Stadium_1_%2528October_2017%2529_%2528cropped%2529.jpg&w=640&q=50)
Sarah, Dukesa kan York
From Wikipedia, the free encyclopedia
Si Sarah, Duches kan York (namundag Sarah Margaret Ferguson; 15 Oktubre 1959), bisto man sa bansag na Fergie, sarong Briton na awtor, personalidad sa telebisyon, asin miyembro kan pinalawig na pamilyang maharlikang Briton. Siya an dating agom ni Prinsipe Andrew, Duke kan York, na ikaduwang aki ni Reyna Elizabeth II asin ngohod na tugang ni Hadeng Charles III.
![Thumb image](http://upload.wikimedia.org/wikipedia/commons/thumb/c/c3/Sarah%2C_Duchess_of_York%2C_Gahanga_Cricket_Stadium_1_%28October_2017%29_%28cropped%29.jpg/640px-Sarah%2C_Duchess_of_York%2C_Gahanga_Cricket_Stadium_1_%28October_2017%29_%28cropped%29.jpg)
Si Ferguson pinadakula sa Dummer, Hampshire, asin nagklase sa Queen's Secretarial College. Kan huri, nagtrabaho siya para sa mga kompanya nin pampublikong relasyon sa London, dangan para sa sarong kompaniya na pangpublikar. Nagpoon siyang makipagrelasyon ki Andrew kan 1985, asin sinda kinasal kan 23 Hulyo 1986 sa Westminster Abbey. Igwa sindang duwang aking babae, si Prinsesa Beatrice asin Prinsesa Eugenie. An saindang pag-agom, pagsuwayan kan 1992, asin diborsio kan 1996 nakaakit nin dakol na media coverage.
Durante sagkod pagkatapos kan saiyang kasal, si Sarah kaiba sa nagkapirang institusyon nin pagkawanggawa bilang sarong patron asin spokesperson. An saiyang pagkawanggawa pangenot na nakasentro sa pagtabang sa mga pasyente asin aki na may kanser. Siya an nagin patron kan Teenage Cancer Trust poon 1990 asin pinundar an Children in Crisis asin Sarah's Trust. Sa mga taon pagkatapos kan saiyang diborsio, si Sara an tema nin mga iskandalo na nakaapektar sa relasyon niya sa pamilya kan hade, alagad siya nagpahiling sa laen-laen na royal na mga kaganapan kasuarin pa sana. Nagsurat siya nin magkapirang libro para sa mga aki asin adulto saka nagtrabaho sa TV asin sa produksyon sa pelikula.