From Wikipedia, the free encyclopedia
An RMS Titanic sarong pampasaherong liner na nakabangga sa sarong iceberg sa saiyang primerong byahe haling Southampton, Inglatierra pasiring Nuweba York kan Abril 14, 1912. Huna dai pwedeng maglubog alagad kan Abril 15, nagburo-buro sana sa irarom kan dagat, na ikinagadan nin 1,517 katawo. Sinasabing an pangyaring ini saro sa maritimong disaster sa historya nin paglayag sa dagat. Ipigbungsod an bapor kan Abril 10 lunad an 2,223 katawo. Maliwanag na an nakaligtas sana sa trahedya 706 katawo.
Pinakadakulang boque de vapor na sa kinaban, an RMS Titanic pagsasadiri kan White Star LIne asin ini pigtugdok sa astilyero kan Harland asin Wolff sa Belfast, Irlandya. Kadakul na marhay an nagadan huli ta an bilang kan salbabida tama sana sa 1,178 katawo, asin mas dakul an nagadan na kalalakihan huli ngani sa polisiya na "mga babayi saka mga aki" nguna an dapat inuton na iligtas.
An Titanic pigdisenyo nin mga beteranong mga inhenyero, na gamit an pinakamodernong teknolohiya asin mga probadong paagi ngani ligtas an pagbabyahe. Huli sa saiyang paglubog sa inot pa sanang byahe, asin huli ta an mga nakadamay sa trahedya mga prominenteng tawo, asin urog pa ta an mga huring-huding na naglakop dakulang istorya kan mga panhon na idto, ini gabos nagresulta sa mga paghira sa ley maritimo asin sa daing-patod na interes sa paglubog kan Titanic.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
