![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Las_Pi%25C3%25B1as_Bamboo_Organ_CealwynTagle_DCera.jpg/640px-Las_Pi%25C3%25B1as_Bamboo_Organ_CealwynTagle_DCera.jpg&w=640&q=50)
Organong Kawayan nin Las Piñas
From Wikipedia, the free encyclopedia
An Organo nin Las Piñas sa Simbahan kan Paroko ni San Jose sa Syudad nin Las Piñas, Filipinas sarong ika-19ng Siglong organong pansimbahan na naiiba an mga pipa kaini- haros gabos gibo hale sa kawayan. Ini kumpletong nahaman kan 1824 ni Padre Diego Cera de la Virgen del Carmen na iyo man an kagtogdok kan gapong simbahan igdi asin pinakaenot na residenteng kura parokong Katoliko.[1][2]
![Thumb image](http://upload.wikimedia.org/wikipedia/commons/thumb/d/db/Las_Pi%C3%B1as_Bamboo_Organ_CealwynTagle_DCera.jpg/320px-Las_Pi%C3%B1as_Bamboo_Organ_CealwynTagle_DCera.jpg)
![Thumb image](http://upload.wikimedia.org/wikipedia/commons/thumb/4/4a/Bamboo_Organ_in_Las_Pinas_City_%282021%29.jpg/640px-Bamboo_Organ_in_Las_Pinas_City_%282021%29.jpg)
An organong kawayan haros gabos an mga pipa kaini gibo sa kawayan asin sa bilang kan mga pipa kaini na nag'abot 1,031, an 902 hinaman hale sa kawayan asin an iba gibo sa metal. Walong taon na gayo si paggibo kaini ni Padre Diego Cera de la Virgen del Carmen (1816-1824). Kan mga 1880, nagkaigwang bagyo asin linog na nagrumpag sa atop kan simbahan asin mga gapo saka tubig an nagdulot nin danyos sa organo. Pirang taon ini dai makawat asin sinaray na sana sa sakristiya. Magkapirang beses man kuta na mapahirahay an organo alagad, kan taon sanang 1972 tuyo nang ikinontrata sa grupo ni Johannes Klais Orgelbau kan Bonn, Alemanya an paghirahay. Kaya kan 1973 pinadara sa nasabing lugar. Kan Marso 1975, ibinalik na sa Filipinas na yaon na sa toltol na kamugtakan. Sa pagsabat sa pagbalik kan organo kan 1975, ginibong mapakarhay asin mapagayon an gapong simbahan asin mga kataraid na edipisyo sa estadong an hitsura ika-19ng siglo man an arkitektura. Si Arkitektong Francisco Mañosa asin an katuwang niyang si Ludwig Alvarez hinirimo nanggad ini na makaabot sa pagbalik kan organo kan taon 1975. .[3]
Minukna man an inapod na Internaitonal Bamboo Organ Festival, sarong piyesta nin musikang klasiko, na ginigibo Pebrero, ngane lamang mapatogtog ulit sa dati niyang magayon na tanog an organo. Ngonyan an Festival na ini iyo na an pinakahalawig na festival sa Filipinas. Poon 1992, si Prof. Amando Salarza iyo an deklaradong organista kan organong kawayan asin siya pa an Direktor Artistiko kan Internaitonal Bamboo Organ Festival. Kan 2003, dineklara na sarong National Cultural Treasure an organong kawayan. Sa presente, an simbahan asin an Museo kaini sa kumbento saro nang popular na destinasyon kan mga turista.[4]