From Wikipedia, the free encyclopedia
Si Miklós Ybl (6 Abril 1814 sa Székesfehérvár – 22 Enero 1891 sa Budapest) saro sa nangengenot na arkitekto sa Europa nin haros kabanga' kan ika-19ng siglo asin siya man an pinaka-maimpluwensyang arkitekto durante kan saiyang karera sa laog kan Hunggarya. An saiyang proyektong bantog na gayo iyo an Hungarian State Opera House sa Budapest (1875–84).
Pakagradwar sa Institute of Technology (an Politechnikum) sa Vienna, si Ybl nangagin katuwang ni Mihály Pollack kan 1832 asin nagtrabaho sa opisina ni Henrik Koch pag'ultan nin 1836 asin 1840. Dangan siya naghubo'sa Munich asin sunod sa Italya ta nag'adal. Pagbalik niya siya nakibakas sa aki ni Mihály Pollack, Ágoston; asin sindang duwa pigpakarhay an Ikervár castle ni Konte Lajos Batthyány. An saiyang enot na mayor na proyekto iyo an simbahan sa Fót, tinugdok sa pag'ultan nin 1845 asin 1855.
An mga amay asin darakulang proyekto tinurogdok sa estilo Romantiko, na naimpluwensya kan motif sirangan. Mga Romanesk na mga porma nagluwas man sa mga edipisyo niyang giniribo huri na. Pakabyaheng-adal niya sa Italya, poon 1860 nagin siyang interesado sa posibilidad na pakusogon an estilong Renasimyento Italyano, asin ta siya nagdesenyo nin magkapirang mga neo-Renasimyentong mga edipisyo. Kadaklan kan mga edipisyo niya iyo nanggad an dominanteng elemento sa tanawon sa syudad nin Budapest: Saint Stephen's Basilica (1867–91), an Rác Thermal Bath, an dating Palasyo nin Customs, (1871–74), asin an kwartong trono, dangan an suyab Krisztinaváros kan Palasyo Royal. Siya dakul man natugdok mga simbahan, apartment asin kastilyo sa mga probinsya.
An taonan na papremyo arkitektural namukna kan 1953 ipig-pangaran saiya sa pag-onra saiya.
Igwang relatibong medya para sa Miklós Ybl duman sa Wikimedia Commons
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.