From Wikipedia, the free encyclopedia
An mga probinsya kan Hapon (令制国 Ryōseikoku) na kun sain yaon an inot na libel nin administratibong pagkakabaranga kan Hapon puon kan 600s sagkod 1868.
Namuknâ an mga probinsya sa Hapon kan huring parte kan ika-7ng siglo sa irarom kan sistema nin ley sa Ritsuriya na nagbilog kan enot na sentral na gobyerno. Nababanga an lambang probinsya sa mga distrito (郡 gun) asin napupugro sa saro sa mga panheograpikal na mga rona o mga sirkit na midbid sa Gokishichidō (Five Home Provinces and Seven Circuits). Parating minabago an mga hangganan kan probinsya sagkod sa katapusan kan panahon nin Nara (710 sagkod 794), alagad nagdanay na dai nagbago poon sa panahon nin Heian (79 sagkod 1185) sagkod sa panahon nin Edo (1603 sagkod 1868). An mga probinsya kaiba kan sistema nin mga han (domain), an mga personal na kadagaan nin pyudal na mga kagurangnan asin paragubat, dangan nagin ikaduwa sa mga nasasakupan kadtong ikahuring parte kan panahon nin Muromachi (1336 sagkod 1573).
Niribayan an mga probinsya kan Hapon kan sa ngunyan na sistemang prepektura kadtong Fuhanken sanchisei sa kasagsagi kan Pagsasabalik kan Meiji kadtong 1868 sagkod 1871, apwera sa Hokkaido, na kun sain ini binaranga sa mga probinsya poon 1869 sagkod 1882. Daing iniluwas na kasuguan na puwesahan na nagtatangkas kan mga probinsya, alagad maitutukdo an mga ini na dai na piggagamit bilan mga yunit kannadministratibo. Ginagamit pa man an mga probinsya sa pangkagabsan na urulay, lalo na sa panggang asin transportasyon, dangan sa nasambit na mga produkto asin heograpikong mga kabtang kan mga prepektura na sakop an saindang dating mga teritoryo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.