Mars Rover

An Mars Rover sarong behikulong de motor na nagsadiri nang maglibotlibot sa ibabaw kan planetang Marte sa momentong ini maghugpa. An mga Rovers may bentahe kun kompara sa tagahugpa na pugal sa sarong lugar, ta ini pwedeng maglibot asin mag'isog sa mas mahiwas na teritoryo, asin pwede ining isubol sa mga lugar na pighunang may mga interesanteng narereparong bagay asin pwede man ining idirekta sa mga masaldang na lugar orog na kun mga bulan na winter; siring man, ini napadugang sa adal manongod sa paggamit asin pagkontrol kan mga hararayong behikulong robotiko.

An Mars Rover

An Curiosity rover, sadiring pitik

Igwa nang apat na robotikong Mars Rover na matrayumpong pinadara sa espasyo na iyo an Mars Pathfinder, an Sojourner rover, an Opportunity asin Curiosity rover na anas nakahugpa sa planetang Mars. Kan Enero 24, 2014, an NASA nag'osip na pinag'aadalan na an mga resultang pinapadara kan Curiosity asin Opportunity rover dapit sa paghanap nin mga ebidensya sa antigong buhay, mga mikroorganismo, tubig na haloy nang eksistido sa Mars, asin mga kadagaan na pwedeng nagkaigwa kan soanoy pang panahon nin mga salog asin mga danaw. An pagdukay nin mga ebidensya manongod sa kamugtakan kun pwedeng magsostener buhay, an presensya nin mga fossils, asin organikong karbon sa planetang Mars iyo na an primeramenteng pigdudukay na kun igwa nin mga siring.

Toltolan