Bulod nin Ligñon
From Wikipedia, the free encyclopedia
An Bulod nin Ligñon o Ligñon Hill iyo sarong prominenteng bulod sa syudad nin Legazpi, harus 3 kilometro solnopan kan ibabang puertong lugar kaini sa Albay, Filipinas. An tuktok kaini iyo yaon sa harus 512 feet (156 metro), na may magayon na tanawon kan Bulkang Mayon sa norte-solnopan asin an entirong syudad sagkod an Gulpo nin Albay sa subangan.[1] An bilog na sityo iyo yaon sa pangangataman kan syudad asin kan gobyerno probinsyal, sagkod iyo pigdesigna bilang sarong Natural na Parke.
Bulod nin Ligñon | |
---|---|
Tanawon kan Ligñon Hill gikan sa Simbahan nin Daraga | |
Pinakahalangkaw na Piye | |
Elebasyon | 156 m (512 ft)[1] 156 metre |
Tagboan | 13°56′28″N 123°26′04″E |
Mga dimensyon | |
Pagpapangaran | |
Heograpiya | |
Kinamumugtakan | Legazpi, Albay, Filipinas |
Heolohiya | |
Pagtukad | |
Pinakapasil na ruta | Tinampo, pagtukad |
An Bulod nin Ligñon Hill iyo sarong prehistorikong cinder cone harani sa pamitisan kan Mayon, na harus 12 kilometro sur-sur-subangan kan tuktok nin bulkan. Pangenot ini na pigbibilog nin dolerite asin basaltikong gapo nin bulkan.[2][3] Dae kabali an Bulkang Mayon, ini an pinakahalangkaw na punto sa syudad na mahihiling kataid kan Palayogan nin Legazpi sa barangay 41 (Bogtong) harani sa border kaini sa munisipalidad nin Daraga. Yaon digdi an Mayon Volcano Observatory, an sentral na istasyon nin pagmonitor kan Philippine Institute of Volcanology and Seismology na nahaman kan 1989.[4]