Reaksyon na kimikal

An reaksyon na kimikal (Ingles: chemical reaction) iyo an proseso na minadara sa kimikal na pagkaliwat nin sarong grupo kan kimikal na substansya pasiring sa iba.^[1] Klasikal na an mga reaksyong kimikal iyo an mga pagbabago sana na huli sa posisyon kan mga elektron sa pagporma asin pagkagaba nin mga sugpong kimikal sa tahaw nin mga atomo, nin mayong pagbabago sa nukleyi (mayong pagbabago sa mga elementong yaon), asin harus pigpapaliwanag nin sarong ekwasyong kimikal. An kimikang nukleyar iyo an sub-disiplina kan kimika manungod sa mga reaksyong kimikal nin mga dae-pusog asin radyoaktibong elemento kun sain parehas na pagbabagong elektroniko asin nukleyar an pwedeng mangyari.

Sarong termitong reaksyon gamit an bakal(III) na oksido

An substansya (o mga substansya) iyo inisyal na yaon sa reaksyong kimikal bilang mga reaktante o reahente. An mga reaksyong kimikal iyo harus pigkakaraktisa nin pagbabagong kimikal, asin sinda nakakamokna nin saro o mas dakul pang produkto, na iyo may karakter na lain sa mga reaktante. An mga reaksyon iyo harus pigbibilog kan mga sekwensya nin indibidwal na sub-lakdang, an mga inaapod na elementaryang reaksyon, asin an impormasyon sa presisong kurso kan aksyon iyo parte kan mekanismo nin reaksyon. An mga reaksyong kimikal iyo pigpapaliwanag nin ekwasyong kimikal, na iyo nagsisimbolo kan puon na materyales, katapusang produkto, asin minsan an tahaw na produkto sagkod kondisyon kan reaksyon.

An mga reaksyong kimikal iyo may karakteristikong rikas sa sarong temperatura asin konsentrasyong kimikal. Tipikal na an rikas kan reaksyon iyo naglalangkaw sa naglalangkaw na temperatura huli ta mas dakul an termal na enerhiyang yayaon para maguno an aktibasyong enerhiyang kaipohan para magaba an mga takod sa tahaw nin mga atomo.

Hilingon man

• Pagbabagong kimikal
• Pagbabagong pisikal
• Kompuwesto

Toltolan

1. IUPAC, Compendium of Chemical Terminology, 2nd ed. (the "Gold Book") (1997). Online corrected version:  (2006–) "chemical reaction". doi:10.1351/goldbook.C01033