Dyipni
From Wikipedia, the free encyclopedia
From Wikipedia, the free encyclopedia
An mga dyipni (Ingles: jeepney), inaapod man bilang dyip (Ingles: jeep), iyo an mga bus asin an pinakapopular na paagi nin pagbiyahe sa Filipinas.[1] Bistado an mga ini sa surusuang pagtukaw asin popular na mga dekorasyon, na iyo nagin lakop na simbolo nin Filipinong kultura asin arte.[2] Sarong Sarao na dyipni an naeksibit sa Filipinong pabilyon sa 1964 New York World's Fair bilang sarong nasyunal na imahe para sa mga Filipino.[3][4]
Gikan an mga dyipni kaidtong Amerikanong kolonyal na panahon sa mga taxi na bisto bilang auto calesas, harus napapalipot sa "AC". Naliwat ini sa namodipikang imported na awto na may katakod na bitbiton sa dekada 1930s na nagsirbi bilang baratong pampasaherong utilidad na behikulo sa Manila. An mga behikulong ini harus naraot sa Ikaduwang Gerang Pankinaban. An pangangaipo para sa karibay na pagbiyaheng behikulo iyo nagtaong dalan sa paggamit nin mga U.S. military na dyip na natada hali sa giyera, na nagin plantilya para sa modernong dyipni.[5] An taramong "jeepney" iyo gikan sa "jeep" asin "jitney", an parehas na taramon iyo mga bistong slang sa mga panahon kaini[3][6]: an "jitney" bilang popular na termino para sa Amerikanong taxicab, asin an "jeep" iyo sarong bagong namoknang termino para ipaliwanag an klase nin militaryong behikulo (pinagdedebatehan pa an ginikanan). An kadaklan sa mga dyipni iyo ginagamit bilang pampublikong utilidad na behikulo. An iba bilang mga personal na behikulo. Dae masyadong nagagamit an mga dyipni para sa komersyal o institusyonal na paggamit.
 |
An Wikimedia Commons igwa nin medya dapit sa Dyipni. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
