Si 'Barack Hussein Obama II namundag kan Agosto 4, 1961, siya an ika-44 na Presidente kan Estados Unidos. Siya man an kaenot-enoteng Aprikano-Amerikano na nagtukaw sa pwesto. Si Obama sarong Senador kan Illinois kan Estados Unidos, poon Enero 2005 abot Nobyembre 2008, kan siya nagretiro sa pwestong ini ta siya naelihir na sarong presidente kan Estados Unidos. An sinundan niyang presidente iyo si George W. Bush.
Siya naggradwar sa Columbia University, asin Harvard Law School kun saen siya an pinak-enot na Aprikano-Amerikanong naging presidente kan Harvard Law Review. Nagi man siyang sarong organisador sa komunidad sa Chicago bago siya naging abogado, dangan nagpraktis siya sa pagka-abogado niya sa Chicago natolod an isyu nin civil rights. Pakatapos kaini nagsirbi siya sa Senado nin Illinois sa tolong termino, poon 1997 abot 2004. Nagtokdo man siya nin constitutional law sa University of Chicagoi Law School poon 1994 abot 2004.
Nagkandidato kuta siya sa pagka-Representante kan taon 2000 sa Kongreso alagad dai nanggana, pero pagkandidato kan Nobyembre 2004 para sa pwesto sa Senado kan Estados Unidos, siya nakaluwas. Sa pagtukaw niya bago sa pagkapresidente siya yaon sa magkapirang komite, sa Foreign Relations, Environment asin Public Works, Veteran's Affairs, Health, Education, Labor, Pensions, Homeland Security asin Governmental Affairs.
Mainit asin gitgitan si laban sa nominasyon sa primarya presidensyal kan Partido Demokrata kan Estados Unidos kung saen kalaban niya si Hillary Rodham Clinton. Siya an nakatakma kan nominasyon para sa pagkandidato para presidente. Kan mag-eleksyon heneral na kan 2008, na si John McCain an kalaban asin kandidato kan Partido Republikano kan Estados Unidos Partido Republikano, siya an guminana. Nagsumpa siya bilang sarong presidente kan Estados Unidos kan Enero 20, 2009.
Mga panluwas na takod
- Opisyal na websityo kan White House
- Saiyang rekord sa Senado Archived 2008-11-27 at the Wayback Machine.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.