From Wikipedia, the free encyclopedia
An Arkitektura Ukranya enot na naggamot sa Eslabikong Subangan na estado nin Kyivan Rus. Pakapangyari kan Ika-12ng siglo, an napapalaen na historya arkitektural nagpadagos sa mga prinsipalidad nin Galicia-Volhynia asin dangan sa Grand Duchy nin Lithuania, Ruthenia asin Žemaitia. Durante kan anoy nin mga Zaporozhian Cossacks, sarong istilo nin arkitektura naglataw sa Ukranya na nagtalubo sa irarom kan impluensya nin Polish–Lithuanian na Komunwelt.
Pakasaro kaini sa Tsardom nin Rusya, an arkitektura nin Ukranya nagpoon nang magtalubo pasiring sa iba-ibang direksyon, na dakul kan mga estruktura sa bandang subangan na sakop kan Rusya nagkaturugdok sa istilo nin Arkitekturang Ruso na uso kaidtong peryodong idto, mantang sa bandang sulnopan nin Galicia nagtalubo sa impluensya nin Austro-Hungaryanong arkitektura. Sa parehong lado, magagayon man an nagturungang mga estruktura. Ukranyanong mga motif ngapit nagburutwa man sa peryodo na ini yaon sa irarom kan Unyon Sobyet asin dangan kan ini moderno asin nindependyente nang Ukraine.
An terminong arkitekturang bernakular pwedeng ipagribay mansana sa mga termino "folk", "kumon", "katutubo", "tradisyonal" asin ini ikinakaag sa ultimo kan lista sa linyada kan mga estruktura sa mga pigdesenyong mga edipisyo na mga propesyonal na arkitekto an naggiribo. An pakaaram sa pagtugdok sa bernakular na arkitektura basado lang sa mga tradisyon lokal kaya ini basado sana sa mga kabatiran ilinito sa lawig kan henerasyon. Iba-ibang rona'sa Ukranya igwa sinda nin sadiring napapalaen na istilo nin arkitekturang bernakular. Halimbawa, sa Carpathian Mountains asin an mga paralibot kaini sa pamitisan, kahoy asin dalipay an mayor na pangkanang materyales.
An Museum of Folk Architecture and Way of Life of Central Naddnipryanshchyna namumugtak sa Pereiaslav. An museo na ini na biklad sa kahiwasan, igwang 13 de-temang museo igdi, 122 na panghalimbawa nin arkitektura nasyonal, asin sobra sa 30,000 artifak/kultural na mga bagay historikal an sinasaray igdi. An Museum of Decorative Finishes iyo an saro sa tinatampok na museo na nagtiti'mos kan trabaho nin pagdekorasyon na arkitektural na aplikasyon sa arkitekturang Ukranya. Plantilya:Gallery
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.