![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ae/BZN_Telsiai_church_1_front_2.jpg/640px-BZN_Telsiai_church_1_front_2.jpg&w=640&q=50)
Šv. Ontana Paduvietė bažninčė
From Wikipedia, the free encyclopedia
Šv. Ontana Paduvietė bažninčė īr baruokėnė-klasėcėstėnė Telšiū vīskopėjės katedra, pabūdavuota 1761-1791 metās (dabartėnis buokšts bėngts 1821 m.). Pri anuos īr ėr Telšiū dekanats. Vėinintelė Lietovuo bažninčė, torontė dvėukštė altuorio. Katedra pabūdavuota ont aukštiausės Telšiū Insolas kalna. Gerā matuos miesta panuoramuo. Pri anuos stuov bovės bernardėnu vėinoulīns (dabartėnė semėnarėjė (ikorta vīskopa V. Borisevičiaus 1927 m.)) ė vīskopū rūmā (pabūdavuotė 1929 m., palē žīmaus tuo meta arkėtekta V. Dobeneckė briežėnius). Īr šalėp ėšlėkės bodīnks, katramė seniau bova pėrmuojė Telšiū muokīkla (būdavuota 1798 m.). Švėntuorio so Katedras aikštė jung vartā, šaukamė Garbies vartās. Vėsa šėta bodīnku kuompleksa žmuonis miegst vadintė "Žemaitėjės Vatėkano".
![Thumb image](http://upload.wikimedia.org/wikipedia/commons/thumb/a/ae/BZN_Telsiai_church_1_front_2.jpg/640px-BZN_Telsiai_church_1_front_2.jpg)