Ramīgala
From Wikipedia, the free encyclopedia
From Wikipedia, the free encyclopedia
Ramīgala (lietovėškā: Ramygala) īr Lietuvuos miests Paneviežė rajuonė, 24 km i pėitus nu Paneviežė. Pri kelė Paneviežīs-Kiedainē. Seniūnėjės cėntros. Stuov Šv. Juona Krikštītuoja bažninčė (pabūdavuota 1914 m.), veik gėmnazėjė (anuo istuorėjės muziejos), lėguonėnė, pašts, aptieka, suocēlėnės globuos nomā (nu 2006 m.). Miests isikūrės Opītės opės kairiajamė krontė.
 | |
 | |
| Žmuoniū skaitlios | 1 198 (1 sausė 2023, demograpėnis balansos)  |
|---|---|
| Geuograpėjė | |
| Prėgol pri | Paneviežė rajuons |
| Šalės | Lietova |
| Augštoms | 69 |
| Koordėnatės | 55.5111°N 24.3028°E |
| Pašta kods | LT-38031 |
 | |
Pri miesta rondas Ramīgalas vėinsiedis. Ramīgalas telmoluoginis draustėnis (346 ha).
Ramīgalas bažninčė ė gėmnazėjė - vėinė seniausiū bodīnku miestė, torontīs istuorėnė reikšmė.
Ramīgalas vards istuoriniūs šalteniūs bova mėnavuojams nu XIII omžiaus (kāp „Remigale“). Prīš 1492 m. (kėtās šaltenēs, 1431–1500 m.) pabūdavuota pėrmuojė bažninčė. Pats miestielis pamėnavuots 1503 m., 1525 m. mėnavuojams valsčios, vuo 1540 m. ė dvars.
1888 m. Ramīgaluo bova atėdarīta aptieka, 1895 metās – pašts. Nu XIX a. ontruosės posės ligė 1950 m. Ramīgala – valsčiaus cėntros, 1950–1962 m. bova rajuona cėntros. Miesta teisės Ramīgalā suteiktas 1957 m.
Iki tarībėnės melioracėjės Ramīgala sopa Liūnū, Pėkšruos, Uslajas ė Žarčiū pelkės ė dorpīnā.
Ramīgalas vards ėš pradiū, musintās, reiškė „ramos gals, ramė vėita“, kadongė anuos pavadėnėma sodaraa do sondo: ram- (nu ramos – „tīlos, be triukšma, jaukos“) ė -gala („krašts, pakraštīs, srėtės“). Mažiau tėkietėna versėjė, ka vėituovardis kėlės nu asmenvardė Ramīs, bo tuoks asmenvardis dabā neaptīnkams.
Miesta gerba ė vielevas etaluonus sokūrė dailėninks Arvīds Každailis. Dieka sava oficēliū sėmbuoliu - gerba ė vielevas - Ramīgala bova prijėmta i Euruopas gondrū miestū asocijacėjė.
Ramīgalas gerbs bova patvirtints 2003 m. sausė 13 d. Prezidėnta dekreto. Gerba žaliamė fuonė īr vaizdoujams ont vėinuos kuojės stuovėntis gondros.
Vielevas žaliamė fuonė - gondros, katros stuov ont vėinuos kuojės. Kampūs ėšdiestītas pasagas. Vielevas kraštā apvestė rauduono apvalaus pjūvė apvado.
Ramīgaluo gėmė dailėninks keramiks Mīkuols Vrubliauskis (1919-1998), artists Saulios Mikuolaitis (1966-2006).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
