Enns is a Stod im Draunvierl im Ostn vo Owaöstareich mid 11.738 Eihwohna (2016). Enns is de öidaste Stod vo Östareich und liegd an da Stöi, wo da Enns-Fluss in d'Doana einirinnd. Da Enns-Fluss is a de Grenz zu Niedaöstareich. Enns ghead zan Bezirk Linz-Laund. De easchtn Leid homd in Enns scho uma 4500 vor unsara Zeid gwohnd. De oidn Rema homd de Stod Lauriacum gnennd und dortn untam Koasa Commodus a befestigts Legionsloga baud. In da Zeid vom Koasa Caracalla is Lauriacum donn d'Hauptstod vo da Provinz Noricum worn.