Magnetische Flussdichtn

De magnetische Flussdichtn B (dt. magnetische Flussdichte) is de Flächndichtn vom magnetischn Fluss, dea wos duach a gwisse Flächn duachgeht. Se wiad iwa de Lorentz-Kroft definiat, des is de Kroft, de wos bei ana bewegtn Lodung auftritt. De Eiheit vo da magnetischn Flussdichtn is Tesla. [B] = T.

${\displaystyle {{\vec {F}}_{B}}=Q\cdot ({\vec {v}}\times {\vec {B}})}$

Schematische Doastöllung vo an elektrischn Leiter und da magnetischn Flussdichtn

mit:

• F_B ... Kroft, de auf de Lodung wiakt [N]
• Q ... Elektrische Lodung [C]
• v ... Gschwindigkeit mit dea se de Lodung bewegt [m/s²]
• B ... Magnetische Flussdichtn [T]

Des komische Kreizal gibt nua de Richtung au, wäu de Flussdichtn is jo a Vektor und sogt, dass da easchte Vektor aufm kiazastn Weg im Sinne vo ana Rechtsschraubung zan zweitn Vektor draht wean sui.

Iwa diese Kroft is aa de SI-Eiheit Ampere vom elektrischn Straum definiat.

Zwischn da magnetischn Flussdichtn und da magnetischn Föödstärkn hauma ihn fuigandn Zaumanhaung:

${\displaystyle {\vec {B}}=\mu _{0}\cdot \mu _{r}\cdot {\vec {H}}}$.

mit:

• B ... Magnetische Flussdichtn [T]
• μ₀ ... Magnetische Föödkonstauntn [As/Vm], μ₀ = 4π · 10^-7 As/Vm
• μ_r ... Relatiave Föödkonstauntn (Permeabilität) [As/Vm], de gibt au, um wia vü bessa dass a Materiäu magnetisiaboa is ois Vakuum
• H ... Magnetische Föödstärkn [A/m]

Wia ma sehn is de magnetische Föödstärkn nix aundas ois wia da vom Materiäu unohhängige Täu vo da Flussdichtn.

Schau aa

• Elektrotechnik
• Elektrische Flussdichtn
• Magnetismus
• Magnetische Duachflutung
• Induktivität
• Spuin