Des Bruttoinlandsprodukt (kuaz: BIP) gibt an Gsamtwert vo oin Gütan (Woarn und Deanstleistgunga) o, de wo innahoib vo oan Joar innahoib vo de Landesgrenzn vo oana Voikswiatschoft produziat woan san und am Endvabrauch deana. Ba da Berechnung wean Güta, de wo ned direkt weidavawendt wean, sondan af Loga produziat wean, ois Vorrotsvaändarung bericksichtigt.
![Thumb](http://upload.wikimedia.org/wikipedia/commons/thumb/e/e8/Bruttoinlandsprodukt_DE.svg/640px-Bruttoinlandsprodukt_DE.svg.png)
Im Unterschied zan Bruttonationaleinkommen wean ba da Berechnung vom BIP de Leistungen vo In- und Ausländan eafosst (sog. Inlandsprinzip). Wean vom BIP de Obschreibunga ozogn, griagt ma des Nettoinlandsprodukt.
Des BIP is a Mass fia de wiatschoftliche Leistung vo oana Voikswiatschoft in am bestimmtn Zeitraum. De Vaänderungsratn vom realn BIP deant ois Messgress fias Wiatschoftswoxtum vo de Voikswiatschoftn. Des BIP guit damit oid de wichtigste Grss vo da Voikswiatschoftlichn Gsamtrechnung.[1]
Kritik
A mords BIP sogt ned vui über de Wiatschoftleistung vo de Menschn in oana Voikswiatschoft, wei Allerhand iwahapts ned ode ned gnau mitgrechnet werd. Es feit zum Beispui
- de Schwoazorwat bzw. de gsamte Schottnwiatschoft
- de Subsistenzwiatschoft (des is, wennst de Oa vo deina Hena soiba isst und ned vakafst)
- de unbezoitn Tätigkeitn (Hausorwad, Heimweakn, Stecknpferdl, Ehrnämta, Kindahiatn)
Des BIP duat nua de Produktionsleistung und ned en Woistand vo oana Voikswiatschoft widaspiagln. Da Chiemsee is ned im BIP. Wenn man aba eikastln dat und a jeda miassat Eintritt brandln, dann war des BIP hea. Und alle gangs uns schlechta.
Literatua
- Paul R. Krugman, Maurice Obstfeld: Internationale Wirtschaft. Theorie und Politik der Außenwirtschaft. 7. Auflog. Pearson, Minga 2006, ISBN 978-3-8273-7199-7, S. 39 ff.
- Thomson Datastream Navigator, Advance 4.0 Quarterly National Accounts, Copyright OECD, obgeruafn am 18. Aprui 2008
Im Netz
- Bundeszentrale für politische Bildung: Bruttoinlandsprodukt
- Bundeszentrale für politische Bildung, Wissen: Globalisierung: Welt-Bruttoinlandsprodukt
- Bundeszentrale für politische Bildung, Wissen: Globalisierung: BIP pro Kopf
- Deutsche Bank Research: BIP allein macht nicht glücklich – Wohlergehen messen ist sinnvoll, aber schwierig, 4. Oktober 2006 (PDF)
- Pearson: Internationale Wirtschaft Theorie und Politik der Außenwirtschaft (PDF; 955 kB)
- Bye, bye BIP oder: Wie misst man den sozialen Fortschritt? ZEIT Blog